F3 Movie: ‘ఎఫ్3’ రిలీజ్ మళ్ళీ అయోమయంలో పడేసిన వెంకీ..!

విక్టరీ వెంకటేష్, మెగా ప్రిన్స్ వరుణ్ తేజ్ కాంబినేషన్లో ‘ఎఫ్2’ సీక్వెల్ అయిన ‘ఎఫ్ 3’ తెరకెక్కుతున్న సంగతి తెలిసిందే. అనిల్ రావిపూడి దర్శకత్వం వహిస్తున్న ఈ చిత్రం మొదట ఆగష్ట్ లో విడుదలవుతుందని ప్రకటించారు అటు తర్వాత 2022 సంక్రాంతి బరిలో ఉంటుందని చెప్పుకొచ్చారు. ఈ మధ్యనే అది ఫిబ్రవరి 25కి మారినట్టు కూడా ఓ పోస్టర్ ద్వారా స్పష్టం చేశారు. కానీ ఈ డేట్ కూడా కన్ఫర్మ్ అయ్యేలా లేదని… మరో డేట్ కు మారే అవకాశం ఉందని ప్రస్తుతం ఇండస్ట్రీలో గుసగుసలు వినిపిస్తున్నాయి.

ఇలా గుసగుసలు వినిపించడానికి ప్రధాన కారణం ఇటీవల వెంకటేష్ చేసిన కామెంట్స్ అని తెలుస్తుంది. ‘దృశ్యం2’ ప్రమోషన్లలో భాగంగా మీడియా సమావేశంలో పాల్గొన్న వెంకటేష్ ‘ఎఫ్3’ పై స్పందించాడు. ఈసారి హాయిగా థియేటర్లలో చూడదగ్గ సినిమాతో రాబోతున్నామని చెప్పుకొచ్చాడు. ఫిబ్రవరిలో కచ్చితంగా హిట్టు కొడతారన్న మాట అని ఓ విలేకరి అడిగితే… ‘ఫిబ్రవరిలోనే వస్తామో, వేసవి సెలవుల్లో వస్తామో ఇప్పుడే చెప్పలేం… కానీ ‘ఎఫ్3′ అయితే థియేటర్లలోనే విడుదలవుతుంది’ అంటూ వెంకటేష్ చెప్పుకొచ్చాడు.

దీంతో ఫిబ్రవరి 25న ‘ఎఫ్3’ విడుదల పై సందేహాలు నెలకొన్నాయి. అయితే ఒకవేళ అప్పటికి థర్డ్ వేవ్ విజృభించి మళ్ళీ థియేటర్లు మూతపడే పరిస్థితి వస్తే ఇది కూడా ఓటిటికి వెళ్తుందేమోనని వెంకటేష్ అభిమానులు టెన్షన్ పడుతున్నారు. మరి నిర్మాత దిల్ రాజు ఏం చేస్తారో చూడాలి..!

పుష్పక విమానం సినిమా రివ్యూ & రేటింగ్!

Most Recommended Video

ప్రకటనలతోనే ఆగిపోయిన మహేష్ బాబు సినిమాలు ఇవే..!
రాజా విక్రమార్క సినిమా రివ్యూ & రేటింగ్!
3 రోజెస్ వెబ్ సిరీస్ రివ్యూ & రేటింగ్!