యంగ్ టైగర్ జూనియర్ ఎన్టీఆర్ సినీ కెరీర్ లోని బ్లాక్ బస్టర్ హిట్లలో జనతా గ్యారేజ్ ఒకటనే సంగతి తెలిసిందే. కొరటాల శివ ఈ సినిమాకు దర్శకత్వం వహించగా ఈ సినిమాలోని లుక్ ప్రేక్షకులను ఎంతగానో ఆకట్టుకుంది. ఆర్ఆర్ఆర్ షూటింగ్ పూర్తి కావడంతో ఎన్టీఆర్ కొరటాల శివ సినిమా కోసం ప్రస్తుతం లుక్ ను మార్చుకునే పనిలో పడ్డారు. ప్రస్తుతం ఎన్టీఆర్ ఎవరు మీలో కోటీశ్వరులు షోకు హోస్ట్ గా వ్యవహరిస్తున్న సంగతి తెలిసిందే.
తాజాగా లీకైన ఫోటోలలో ఎన్టీఆర్ లుక్ ను చూసిన అభిమానులు ఎన్టీఆర్ జనతా గ్యారేజ్ సినిమాలో ఏ విధంగా కనిపించారో ఈ ఫోటోలలో కూడా అదే విధంగా కనిపిస్తున్నారని కామెంట్లు చేస్తున్నారు. కొందరు నెటిజన్లు ఏకంగా ఎన్టీఆర్ కొరటాల శివ కాంబో మూవీ జనతా గ్యారేజ్ కు సీక్వెల్ అని అభిప్రాయపడుతున్నారు. అయితే కొరటాల శివ తన ప్రతి సినిమాను కొత్త కథతో తెరకెక్కించడానికి ఆసక్తి చూపుతారు. అందువల్ల ఎన్టీఆర్ కొరటాల శివ కాంబో మూవీ సీక్వెల్ కాకపోవచ్చని ఎన్టీఆర్ ఫ్యాన్స్ భావిస్తున్నారు.
త్వరలోనే ఈ ప్రాజెక్ట్ కు సంబంధించిన స్పష్టత రానుంది. ఎన్టీఆర్ త్రివిక్రమ్ కాంబో మూవీ కొన్ని కారణాల వల్ల ఆగిపోవడంతో ఎన్టీఆర్ కొరటాల కాంబో మూవీ తెరపైకి వచ్చింది. అతి త్వరలో ఈ మూవీ షూటింగ్ కూడా మొదలయ్యే అవకాశాలు ఉన్నాయని తెలుస్తోంది. ఎన్టీఆర్, చరణ్ తో కలిసి నటించిన ఆర్ఆర్ఆర్, కొరటాల శివ డైరెక్షన్ లో తెరకెక్కుతున్న ఆచార్య సినిమా రిలీజ్ డేట్లకు సంబంధించిన స్పష్టత రావాల్సి ఉంది.
Most Recommended Video
చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!
Home