786… సినిమాల్లో ఈ నెంబర్‌ స్పెషాలిటీ చెప్పాలంటే మెగా ఫ్యాన్సే కరెక్ట్‌. ‘ఖైదీ నెం 786’ తర్వాత చిరంజీవి, ఇతర మెగా హీరోలు అవకాశం దొరికినప్పుడల్లా 786 నెంబరును సినిమాల్లో చూపించారు. ఆ నెంబరు తెర మీద కనిపించిన ప్రతిసారి థియేటర్‌లో అరుపులు, కేకలు, ఈలలు… ఒకటేంటి ఇవన్నీ కలిపే వినిపిస్తుంటాయి. అంతటి స్పెషల్‌ మెగా మ్యాజిక్‌ నెంబరు మరోసారి మెగా హీరోల సినిమాల్లో కనిపించబోతోంది. దీనికి సంబంధించి పోస్టర్‌ ఇటీవల బయటికొచ్చింది.
మలయాళ ‘అయ్యప్పనుమ్‌ కొషియమ్‌’ సినిమా చూసే ఉంటారా? చాలామంది చూసే ఉంటారు. పవన్‌ కల్యాణ్‌ ఆ సినిమా చేస్తున్నాడు అని తెలిసేసరికి ఇంకా ఎక్కువమంది చూశారు. ఆ సినిమాలో బైక్‌కి ఉన్న ఇంపార్టెన్స్‌ ఎలాంటిదో మీకు ఇప్పటికే తెలిసే ఉంటుంది. సినిమాలో కీలకమైన సన్నివేశాల ముందు హీరో కనిపించేది ఎక్కువగా బండి మీదనే. స్టేషన్‌కి వచ్చే సమయంలో, మరో హీరోను కలిసే సమయంలో బైక్‌ పక్కాగా ఫ్రేమ్‌లోకి వచ్చేస్తుంది. అన్నిసార్లు కనిపిస్తుంది.
తెలుగులో ఆ సినిమాకు ఎలివేషన్లు పాళ్లు కొంచెం ఎక్కువగానే ఉన్నాయి అని చెబుతున్నారు. ఆ లెక్కన ఇక్కడ కూడా బైక్‌ సీన్స్‌ ఎక్కువే ఉండొచ్చు. అలా పవన్‌ కల్యాణ్‌ ఈ సినిమాలో వాడిన బైక్‌ ఫొటో ఆ మధ్య బయటికొచ్చింది. సినిమా షూటింగ్‌ మొదలైన తొలి రోజుల్లో చిత్రబృందం విడుదల చేసిన వీడియోలో కూడా బైక్‌ను ప్రముఖంగా చూపించారు. బైక్‌ పక్క నుండి పవన్‌ కల్యాణ్‌, త్రివిక్రమ్‌, దర్శకుడు సాగర్‌ కె.చంద్ర నడుస్తూ వెళ్తుంటారు. అలాంటి బైక్‌కి 786 అనే నెంబర్‌ పెట్టారు. అవును ABY 786 ఆబైక్‌ నెంబరు.
దీంతో మెగా ఫ్యాన్స్‌ ఆ నెంబరు చూసి మరోసారి ఖుష్ అయిపోతున్నారు. ఈ సినిమా ట్రైలర్‌ను 21న విడుదల చేస్తున్నారు. అలాగే ప్రి రిలీజ్‌ ఈవెంట్‌ను ఘనంగా ప్లాన్‌ చేస్తున్నారు. తెలంగాణ మంత్రులు కేటీఆర్‌, తలసాని శ్రీనివాస్‌ యాదవ్‌ ఈ కార్యక్రమానికి ముఖ్య అతిథులు. ఇక సినిమాను ఫిబ్రవరి 25న విడుదల చేస్తున్నారు.
Most Recommended Video
ఖిలాడి సినిమా రివ్యూ & రేటింగ్!
సెహరి సినిమా రివ్యూ & రేటింగ్!
10 మంది పాత దర్శకులితో ఇప్పటి దర్శకులు ఎవరు సరితూగుతారంటే..!
