పవర్ స్టార్ పవన్ కళ్యాణ్ ఫ్యాన్ ఫాలోయింగ్ గురించి ప్రత్యేకంగా వివరించాల్సిన పనిలేదు. అతనికి అంత ఎక్కువ మంది ఫ్యాన్స్ ఉండడానికి కారణం అతని వ్యక్తిత్వం. ఈ విషయాన్ని ఇండస్ట్రీలో ఎంతో మంది చెబుతుంటారు. ఇదే కోవలో ‘పవన్ కళ్యాణ్ ఓ మాట చెప్పాడు అంటే దానికి కట్టుబడి ఉంటారు’ అని కూడా చాలా మంది చెబుతుంటారు. సినిమాల విషయంలో కూడా ఓ దర్శకుడు లేదా నిర్మాతతో సినిమా చేస్తాను అని మాట ఇస్తే కచ్చితంగా చేస్తాడు. ముఖ్యంగా అతని వలన నష్టపోయిన నిర్మాతలకు మరో సినిమా చేస్తాను అని హామీ ఇచ్చి నెరవేర్చుకున్న సందర్భాలు కూడా చాలానే ఉన్నాయి.
గతంలో పవన్ కళ్యాణ్ అల్లు అరవింద్ గారి నిర్మాణంలో ‘జాని’ చేసాడు. అది ప్లాప్ అయితే మళ్ళీ అదే బ్యానర్లో ‘జల్సా’ చేసాడు. అలాగే బండ్ల గణేష్ నిర్మాణంలో మొదట ‘తీన్ మార్’ చేసాడు. అది ప్లాప్ కావడంతో మళ్ళీ ‘గబ్బర్ సింగ్’ చేసాడు. ఇక ఎ.ఎం.రత్నం గారి నిర్మాణంలో ‘బంగారం’ చేసాడు. అది నష్టాలను మిగిల్చింది.దాంతో ఇప్పుడు ‘హరి హర వీర మల్లు’ అనే సినిమా చేస్తున్నాడు. అయితే పవన్ చిన్నన్నయ్య నాగబాబు నిర్మాణంలో చేసిన ‘గుడుంబా శంకర్’ ప్లాప్ అయ్యింది. ఇప్పటివరకు అతని నిర్మాణంలో మరో సినిమా చేయలేదు.
కానీ ఆ చిత్రం టైంలోనే మరో చిత్రం చేస్తాను అని నాగబాబుకి పవన్ మాటిచ్చాడు. కానీ ఇంతవరకు వీరి కాంబోలో సినిమా రాలేదు. ప్రస్తుతం నాగబాబు నిర్మాణ రంగానికి దూరంగా ఉంటున్నారు కాబట్టి ఈ ప్రాజెక్టు పట్టాలెక్కలేదు. కానీ పవన్ కళ్యాణ్ నటించబోయే ఓ చిత్రానికి నాగబాబు సహ నిర్మాతగా వ్యవహరించే అవకాశం ఉందని టాక్.పవన్- సురేందర్ రెడ్డి కాంబినేషన్లో తెరకెక్కనున్న సినిమాకి నాగబాబు కో- ప్రొడ్యూసర్ గా వ్యవహరించబోతున్నారని ఇన్సైడ్ టాక్. మరి ఇది ఎంతవరకు నిజమో తెలియాల్సి ఉంది.
Most Recommended Video
థ్యాంక్యూ బ్రదర్ సినిమా రివ్యూ & రేటింగ్!
వెంకీ టు సాయి తేజ్.. అందరూ అలా కష్టపడినవాళ్ళే..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
Home