మరోసారి పవర్ స్టార్ పేరును వాడుతున్న వరుణ్

January 19, 2021 / 10:55 AM ISTByFilmy Focus

Join Us

మరోసారి పవర్ స్టార్ పేరును వాడుతున్న వరుణ్

టాలీవుడ్ మెగా ప్రిన్స్ వరుణ్ తేజ్ కరోనా నుంచి కొలుకున్న తరువాత మళ్ళీ ఎప్పటిలానే షూటింగ్స్ తో బిజీ అయ్యాడు. ప్రస్తుతం F3 ప్రాజెక్ట్ తో పాటు బాక్సింగ్ నేపథ్యంలో తెరకెక్కుతున్న సినిమాను పనులను కూడా మొదలు పెట్టేశాడు. వరుణ్ తేజ్ వెండితెరకు గ్యాప్ ఇచ్చి చాలా కాలమవుతోంది. ఈ సారి ఎలాగైనా హిట్ కొట్టాలని డిఫరెంట్ సినిమాలను లైన్ లో పెడుతున్నాడు.

అసలు మ్యాటర్ లోకి వస్తే వరుణ్ తేజ్ మరోసారి పవర్ స్టార్ పవన్ కళ్యాణ్ సినిమాకు సంబంధించిన పేరును కొత్త సినిమాకు టైటిల్ గా సెట్ చేయబోతున్నట్లు తెలుస్తోంది. 2005లో కరుణాకరన్ దర్శకత్వంలో పవన్ కళ్యాణ్ బాలు అనే సినిమా చేసిన విషయం తెలిసిందే. అందులో పవన్.. బాలు, గని అనే రెండు విభిన్నమైమ పాత్రల్లో నటించాడు. అయితే వరుణ్ ‘గని’ పేరును కొత్త సినిమాకు సెట్ చేయనున్నట్లు సమాచారం.

కిరణ్ అనే కొత్త దర్శకుడు తెరకెక్కిస్తున్న ఆ సినిమాకు మొదట బాక్సర్ అనే టైటిల్ ను అనుకున్నట్లు టాక్ వచ్చింది. కానీ సినిమా కథలో వరుణ్ పాత్ర గని అని, ఆ పేరును ఫిక్స్ చేయడానికి రెడీ అయినట్లు సమాచారం. మరి తొలిప్రేమ తరహాలోనే ఈ సినిమాకు పవర్ స్టార్ సెంటిమెంట్ వర్కౌట్ అవుతుందో లేదో చూడాలి.