నితిన్‌కి (Nithin) సరైన విజయం లేనప్పుడు వచ్చి ‘ఇష్క్’ సినిమా ఇచ్చి అదిరిపోయే బ్లాక్బస్టర్ ఇచ్చారు విక్రమ్‌ కె కుమార్ (Vikram kumar). అక్కినేని హీరోల దర్శకుడు అనే పేరు ఆయనకు ఉన్నప్పటికీ నితిన్‌కి ఆయన ఇచ్చిన విజయం చాలా పెద్దది అని చెప్పాలి. ఇప్పుడు ఆయన గురించి ఎందుకు డిస్కషన్‌ అంటే… మరోసారి ఆ ఇద్దరూ కలవబోతున్నారు. అయితే ఇప్పుడు నితిన్‌ పరిస్థితి ‘ఇష్క్’ సినిమాకు ముందు ఉన్న పరిస్థితే కావడం గమనార్హం. దీంతో మరోసారి అలాంటి సినిమా పక్కా అని లెక్కేస్తున్నారు ఫ్యాన్స్‌.
గతంలో ఫ్లాపుల్లో ఉన్న నితిన్‌ను హిట్ బాటలోకి మార్చిన సినిమా ‘ఇష్క్’. అప్పటివరకు మాస్ సినిమాలే ఎక్కువగా చేస్తూ వచ్చిన నితిన్‌… ఆ సినిమాతో జోనర్‌ మార్చేశాడు. ఆ ఎఫెక్ట్‌ ఆయన ఆ తర్వాత సినిమాలకు కూడా కొనసాగించి విజయాలు అందుకున్నాడు కూడా. అలా ‘ఇష్క్’ తర్వాత వచ్చిన ‘గుండె జారి గల్లంతయ్యిందే’, ‘అఆ’ (A AA), ‘భీష్మ’ (Bheeshma) చేశాడు. ఆ తర్వాత మళ్లీ జోనర్‌ కాస్త మార్చే ప్రయత్నం ఏసి ఫ్లాపులు అందుకుంటున్నాడు. దీంతో మళ్లీ విక్రమ్‌ కె కుమార్ బాటలోకి వచ్చేయాలని అనుకుని ఆయననే పిలుస్తున్నారట.
వెంకీ కుడుమల (Venky Kudumula) ‘రాబిన్ హుడ్’, వేణు శ్రీరామ్ ‘తమ్ముడు’ లాంటి యాక్షన్‌, సెమీ యాక్షన్‌ సినిమాలతో బిజీగా ఉన్న నితిన్‌ తర్వాత పక్కాగా ప్రేమ కథ చేయాలని అనుకుంటున్నాడు. అందుకే ఈ సినిమా ప్లాన్‌ చేశారట. ఈ సినిమాకు నిర్మాతగా ‘హను – మాన్‌’ (Hanu Man) నిరంజన్‌ రెడ్డి (K. Niranjan Reddy) తెరకెక్కిస్తారట. మరి ఎలాంటి కథతో విక్రమ్‌ కె కుమార్ వస్తారు అనేది ఆసక్తికరంగా మారింది. ఇటీవల ఆయన సినిమాలు కూడా ఆశించిన విజయాలు అందుకోలేదు. అయతే ‘దూత’ (Dhootha) వెబ్‌సిరీస్‌తో అదరగొట్టేశారు.
ఇక నితిన్‌ ఇప్పుడు చేస్తున్న ‘రాబిన్‌హుడ్‌’, ‘తమ్ముడు’ గురించి కాస్త మంచి బజ్‌ ఉన్నప్పటికీ… అభిమానులకు ‘ఇష్క్’ నింపడానికే ఎక్కువగా ఆసక్తిగా ఉన్నాడట. అలా అని ఆ సినిమాల మీద నమ్మకం లేదని కాదు అని సన్నిహితులు చెబుతున్నారు.
ఓం భీమ్ భుష్ సినిమా రివ్యూ & రేటింగ్!!
లైన్ మ్యాన్ సినిమా రివ్యూ & రేటింగ్!
ప్రముఖ బిగ్ బాస్ కంటెస్టెంట్ అరెస్ట్.. మేటర్ ఏంటి?
