అనుష్క తరువాత మళ్ళీ ఈమెనే రిపీట్ చేస్తున్న రాజమౌళి..!

ఇప్పటి వరకూ రాజమౌళి రిపీట్ చేసిన హీరోయిన్ ఎవరైనా ఉన్నారా అంటే.. ఒక్క అనుష్క అనే చెప్పాలి. గతంలో రాజమౌళి తెరకెక్కించిన ‘విక్రమార్కుడు’ చిత్రం తర్వాత ‘బాహుబలి’ (సిరీస్) కోసం అనుష్కను తీసుకున్నాడు మన జక్కన్న. నిజానికి ‘విక్రమార్కుడు’ చిత్రం తర్వాత అనుష్క సౌత్ లో స్టార్ హీరోయిన్ గా ఎదిగింది. దాంతో ‘బాహుబలి’ చిత్రానికి పాన్ ఇండియా అప్పీల్ కావాలని ఆమెను తీసుకున్నాడని గతంలో వార్తలు వచ్చాయి. ఇప్పుడు ఇదే సీన్ ను ‘ఆర్.ఆర్.ఆర్’ విషయంలో కూడా రిపీట్ చేస్తున్నాడట.

అందుతున్న సమాచారం ప్రకారం.. ఈ చిత్రంలో కీలక పాత్ర పోషిస్తోన్న అజయ్ దేవగన్ సరసన ఓ హీరోయిన్ కావాల్సి ఉందట. ఈ నేపథ్యంలో రాజమౌళి.. శ్రీయ ను ఎంపిక చేసినట్టు తెలుస్తుంది. గతంలో రాజమౌళి.. ప్రభాస్ తో తెరకెక్కించిన ‘ఛత్రపతి’ సినిమాలో హీరోయిన్ గా నటించింది శ్రీయ. ఇక అజయ్ దేవగన్ సరసన కూడా ‘దృశ్యం’ రీమేక్ లో నటించింది. ఇక ‘ఆర్.ఆర్.ఆర్’ లో చరణ్ సరసన బాలీవుడ్ స్టార్ హీరోయిన్ అలియాభట్ నటిస్తుండగా.. ఎన్టీఆర్ సరసన హాలీవుడ్ హీరోయిన్ ఒలీవియో మోరిస్ నటిస్తోంది. ఏదేమైనా ఈ చిత్రంలో వేరు వేరు సినీ ఇండస్ట్రీలకు చెందిన ముగ్గురు హీరోయిన్లు నటిస్తుండడం విశేషం.

డిస్కో రాజా సినిమా రివ్యూ & రేటింగ్!
సరిలేరు నీకెవ్వరు సినిమా రివ్యూ & రేటింగ్!
అల వైకుంఠపురములో సినిమా రివ్యూ & రేటింగ్!