Jr NTR: యంగ్ టైగర్ ఎన్టీఆర్ ఫ్యాన్స్ కు ఆ విషయంలో నిరాశ తప్పదా?

యంగ్ టైగర్ జూనియర్ ఎన్టీఆర్ (Jr NTR) ప్రశాంత్ నీల్ కాంబో సినిమా గురించి గత రెండేళ్లుగా వార్తలు ప్రచారంలోకి వస్తున్నాయి. ఈ ఏడాది ఏప్రిల్ నుంచి ఈ సినిమా షూటింగ్ మొదలవుతుందని ప్రచారం జరిగినా ఆ ప్రచారంలో నిజం లేదని తెలుస్తోంది. అయితే వచ్చే ఏడాది సెకండాఫ్ లో ఈ సినిమా షూటింగ్ మొదలయ్యే అవకాశం ఉందని సమాచారం అందుతోంది. ఎన్టీఆర్ ప్రశాంత్ మూవీ కోసం ఎదురుచూసే ఫ్యాన్స్ కు ఒకింత నిరాశ తప్పదని తెలుస్తోంది.

యంగ్ టైగర్ జూనియర్ ఎన్టీఆర్ వార్2 సినిమాకు గ్రీన్ సిగ్నల్ ఇవ్వడం వల్లే ప్రశాంత్ నీల్ ప్లానింగ్స్ తారుమారయ్యాయి. ప్రశాంత్ నీల్ సలార్2 (Salaar) సినిమాను పూర్తి చేసేవరకు ఎన్టీఆర్ సినిమాపై దృష్టి పెట్టే అవకాశం లేదు. జూనియర్ ఎన్టీఆర్ సైతం ప్రశాంత్ నీల్ సినిమా విషయంలో ఆచితూచి నిర్ణయాలు తీసుకుంటున్నారని తెలుస్తోంది. ఈ సినిమా షూట్ మొదలయ్యే సమయానికి మిగతా సినిమాలను పూర్తి చేయనున్నారని తెలుస్తోంది.

తారక్31 సినిమాగా ప్రశాంత్ నీల్ (Prashanth Neel) సినిమా తెరకెక్కుతుందని మొదట అందరూ భావించినా వార్2 సినిమా తారక్ 31వ సినిమాగా తెరకెక్కుతోంది. వార్2 సినిమా ఇప్పటికే రిలీజ్ డేట్ ను ఫిక్స్ చేసుకున్న సంగతి తెలిసిందే. వచ్చే ఏడాది ఏప్రిల్ సమయానికి వార్2 సినిమాను పూర్తి చేసి తారక్ ప్రశాంత్ నీల్ సినిమాకు గ్రీన్ సిగ్నల్ ఇచ్చే ఛాన్స్ ఉంది. త్వరలో ఎన్టీఆర్ కొత్త సినిమాలకు సంబంధించి ప్రకటన రానుందని భోగట్టా.

యంగ్ టైగర్ జూనియర్ ఎన్టీఆర్ కెరీర్ ప్లానింగ్స్ వేరే లెవెల్ లో ఉన్నాయని సమాచారం అందుతోంది. జూనియర్ ఎన్టీఆర్ తన సినిమాల కథ, కథనం విషయంలో ఎన్నో జాగ్రత్తలు తీసుకుంటున్నారని తెలుస్తోంది. జూనియర్ ఎన్టీఆర్ తన సినిమాలకు ఎన్టీఆర్ ఆర్ట్స్ బ్యానర్ కూడా నిర్మాణ భాగస్వామిగా ఉండేలా ఎన్నో జాగ్రత్తలు తీసుకుంటున్నారని సమాచారం అందుతోంది.