Oh My God 2: మరో వివాదంలో చిక్కుకున్న ఓ మై గాడ్2 మూవీ.. అసలేమైందంటే?

ఈ మధ్య కాలంలో పెద్ద సినిమాలు వివాదాల్లో చిక్కుకోవడం సర్వ సాధారణం అవుతోంది. ఓ మై గాడ్2 మూవీ విడుదలకు ముందు విడుదల తర్వాత పలు వివాదాల్లో చిక్కుకుంది. అక్షయ్ కుమార్ ప్రధాన పాత్రలో తెరకెక్కిన ఈ సినిమాకు మరీ పాజిటివ్ టాక్ అయితే రాలేదనే సంగతి తెలిసిందే. ఈ సినిమా ఫస్ట్ డే కలెక్షన్లు 10 కోట్ల రూపాయలకు అటూఇటుగా ఉన్నాయని సమాచారం అందుతోంది.
అమిత్ రాయ్ డైరెక్షన్ లో ఈ సినిమా తెరకెక్కగా ఈ సినిమాలో అక్షయ్ కుమార్ శివుని దూతగా కనిపించి మెప్పించారు.

ఈ సినిమాలో ప్రధానంగా లైంగిక విద్య ప్రాధాన్యత గురించి చర్చించడం జరిగింది. అయితే ఈ సినిమా శివుడి భక్తులను అవమానించే విధంగా ఉందని కామెంట్లు వ్యక్తమవుతూ ఉండటం గమనార్హం. ఈ సినిమా మనోభావాలు దెబ్బ తినేలా ఉండటంతో రాష్ట్రీయ హిందూ పరిషత్ సభ్యులు కొన్ని థియేటర్ల ముందు అక్షయ్ కుమార్ దిష్టిబొమ్మను దగ్ధం చేశారు. అయితే ఆగ్రాకు చెందిన ఒక హిందూ సంస్థ ఎవరైనా అక్షయ్ కుమార్ కు చెంప దెబ్బ కొట్టినా, ఉమ్మి వేసినా 10 లక్షల రూపాయల బహుమతి అందజేస్తామని ప్రకటించడం జరిగింది.

అక్షయ్ కుమార్ ఈ ప్రకటన గురించి ఏ విధంగా స్పందిస్తారో చూడాల్సి ఉంది. ఓ మై గాడ్ సినిమా స్థాయిలో ఓ మై గాడ్2 సక్సెస్ సాధించకపోవడంతో ఈ సినిమా అభిమానులు ఫీలవుతున్నారు. ఓ మై గాడ్2 మూవీ కథ అన్ని వర్గాల ప్రేక్షకులను ఆకట్టుకునేలా లేకపోవడం గమనార్హం.

ఓ మై గాడ్2 (Oh My God 2) సినిమా కమర్షియల్ గా అదిరిపోయే స్థాయిలో కలెక్షన్లను సాధించాలని నెటిజన్ల నుంచి అభిప్రాయాలు వ్యక్తమవుతున్నాయి. అక్షయ్ కుమార్ ప్రాజెక్ట్ ల ఎంపికలో తగిన జాగ్రత్తలు తీసుకోవాలని తర్వాత ప్రాజెక్ట్ లతో సైతం భారీ విజయాలను సొంతం చేసుకోవాలని అభిమానులు కోరుకుంటున్నారు.

జైలర్ సినిమా రివ్యూ & రేటింగ్!

భోళా శంకర్ సినిమా రివ్యూ & రేటింగ్!
‘భోళా శంకర్’ తో పాటు సిస్టర్ సెంటిమెంట్ తో రూపొందిన సినిమాల లిస్ట్..!