బాహుబలి, బాహుబలి2 సినిమాలను ఐదేళ్లలో తెరకెక్కించిన రాజమౌళి ఆర్ఆర్ఆర్ సినిమాను వేగంగానే పూర్తి చేయాలని భావించినా వేర్వేరు కారణాల వల్ల ఈ సినిమా షూటింగ్ అంతకంతకూ ఆలస్యమవుతూ వచ్చింది. 2022 సంక్రాంతికి ఇప్పటికే కొన్ని సినిమాలు ఫిక్స్ అయినా రాజమౌళి మాత్రం ఆ సమయానికే రిలీజ్ చేయాలని భావిస్తున్నారు. ఆ దిశగా నిర్మాత నుంచి ప్రయత్నాలు కూడా జరిగాయి. ఒకవేళ ఆర్ఆర్ఆర్ సంక్రాంతికి రిలీజైతే ఆ సినిమాకు పోటీగా తెలుగులో రిలీజయ్యే సినిమాలు పోటీ నుంచి తప్పుకునే అవకాశం ఉంటుంది.
అయితే ఆర్ఆర్ఆర్ ను సంక్రాంతికి రిలీజ్ చేయాలంటే తమిళంలో అదే సమయానికి అజిత్ మూవీ వలిమై రిలీజవుతోంది. కోలీవుడ్ లో భారీస్థాయిలో ఫ్యాన్ ఫాలోయింగ్ ఉన్న హీరోలలో అజిత్ ఒకరు. ఆర్ఆర్ఆర్, వలిమై ఒకే సమయంలో విడుదలైతే ఆర్ఆర్ఆర్ కు హిట్ టాక్ వచ్చినా కలెక్షన్ల విషయంలో కొంత మొత్తం నష్టపోక తప్పదు. సంక్రాంతికి రెండు సినిమాలు పోటీ పడితే ఆర్ఆర్ఆర్ కు థియేటర్ల విషయంలో కూడా ఇబ్బందులు ఎదురయ్యే అవకాశాలు అయితే ఉంటాయి. మరోవైపు ఆర్ఆర్ఆర్ 2022 ఉగాదికి విడుదల కావచ్చని కూడా ప్రచారం జరుగుతోంది.
ఆర్ఆర్ఆర్ రిలీజ్ కోసం ప్రేక్షకులు ఆసక్తిగా ఎదురు చూస్తున్నారు. ఎన్టీఅర్, చరణ్ కెరీర్ లో బిగ్గెస్ట్ బ్లాక్ బస్టర్ హిట్ గా ఆర్ఆర్ఆర్ నిలుస్తుందని ఫ్యాన్స్ భావిస్తున్నారు. అలియా భట్, ఒలీవియా మోరిస్ ఈ సినిమాలో హీరోయిన్స్ గా నటిస్తున్నారు. ఇప్పటికే ఆర్ఆర్ఆర్ షూటింగ్ పూర్తి కాగా ప్రస్తుతం ఈ సినిమా పోస్ట్ ప్రొడక్షన్ పనులు జరుగుతున్నాయి.
Most Recommended Video
‘బిగ్ బాస్5’ మానస్ గురించి ఈ 10 విషయాలు మీకు తెలుసా?
‘బిగ్ బాస్5’ లహరి షెరి గురించి ఈ 10 విషయాలు మీకు తెలుసా?
‘బిగ్ బాస్5’ ప్రియా గురించి ఈ 12 విషయాలు మీకు తెలుసా?
