Jr NTR: పోస్టర్ తో రికార్డ్ క్రియేట్ చేసిన తారక్!

బాలనటుడిగా బ్రహ్మర్షి విశ్వామిత్ర, బాల రామాయణం సినిమాలలో నటించిన యంగ్ టైగర్ ఎన్టీఆర్ రెండు పదుల వయస్సులోనే ఆది, సింహాద్రి బ్లాక్ బస్టర్ హిట్లను సొంతం చేసుకున్నారు. వయస్సుకు మించిన పాత్రలను చేసి మాస్ హీరోగా పేరు తెచ్చుకున్న ఎన్టీఆర్ టెంపర్ సినిమా నుంచి అన్ని వర్గాల ప్రేక్షకులను దృష్టిలో ఉంచుకుని కథలను ఎంచుకుంటున్నారు. ప్రస్తుతం ఎన్టీఆర్ ఆర్ఆర్ఆర్ మూవీలో భీమ్ పాత్ర చేస్తున్నారు. అయితే ఆర్ఆర్ఆర్ రిలీజ్ కావడానికి చాలా సమయం ఉన్నప్పటికీ ఈ సినిమా పోస్టర్లు, టీజర్ల ద్వారా ఎన్టీఆర్ ఖాతాలో అరుదైన రికార్డులు చేరుతున్నాయి.

2020 సంవత్సరం మే నెలలో కొమరం భీమ్ పోస్టర్ రిలీజ్ కాగా ఎన్టీఆర్ ఫ్యాన్స్ ట్విట్టర్ లో ఈ పోస్టర్ కు ఎక్కువ సంఖ్యలో కామెంట్లు చేశారు. ఇప్పటివరకు ఏ తెలుగు హీరో పోస్టర్ కు ట్విట్టర్ లో రెండు లక్షల కామెంట్లు రాలేదు. ఎన్టీఆర్ భీమ్ పోస్టర్ కు మాత్రమే ఈ ఘనత సొంతమైంది. రిలీజ్ కు ముందే ఎన్నో సంచలనాలు సృష్టిస్తున్న ఆర్ఆర్ఆర్ రిలీజైన తర్వాత కలెక్షన్ల పరంగా కనీవిని ఎరుగని రికార్డులను సొంతం చేసుకుంటుందని ఎన్టీఆర్ ఫ్యాన్స్ భావిస్తున్నారు.

ఒకవైపు ఆర్ఆర్ఆర్ షూటింగ్ లో పాల్గొంటూనే మరోవైపు ఎవరు మీలో కోటీశ్వరులు షోలో ఎన్టీఆర్ పాల్గొననున్నారని తెలుస్తోంది. వచ్చే నెల నుంచి ఎన్టీఆర్ కొరటాల శివ కాంబో మూవీ పట్టాలెక్కనుంది. కొరటాల మూవీతో పాటు పాన్ ఇండియా డైరెక్టర్ ప్రశాంత్ నీల్ డైరెక్షన్ లో ఎన్టీఆర్ ఒక సినిమాకు గ్రీన్ సిగ్నల్ ఇచ్చిన సంగతి తెలిసిందే.

Most Recommended Video

విజయేంద్ర ప్రసాద్ గారి గురించి 10 ఆసక్తికరమైన విషయాలు..!
ఈ 10 స్పీచ్ లు వింటే ఈ స్టార్లకు ఫ్యాన్స్ అయిపోతారు అంతే..!
నయన్, అవికా టు అలియా.. డేటింగ్ కి ఓకే పెళ్ళికి నొ అంటున్న భామలు..!