సినిమాను జనాలలోకి తీసుకెళ్లడానికి ప్రచారం ఎంతగా ఉపయోగపడుతుందో కొత్తగా చెప్పక్కర్లేదు. అలాంటి సోషల్‌ మీడియా ప్రచారానికి వన్‌ లైనర్స్‌ బాగా ఉపయోగపడుతున్నాయి. దీనికి నిలువెత్తు నిదర్శనం అంటే మొన్న సంక్రాంతికి వచ్చిన సినిమాలు అనే చెప్పాలి. చిరంజీవి, బాలకృష్ణ సినిమాలు అంతగా సంక్రాంతి సమయంలో ప్రాచుర్యంలోకి వచ్చాయి అంటే ఆ సింగిల్ లైనర్స్‌ బాగా ఉపయోగపడుతున్నాయో తెలుస్తుంది. ఇప్పుడు మరో సినిమాకు మైత్రీ మూవీ మేకర్స్‌ ఓ పంచ్‌ లైన్‌ వెతికి పట్టుకుంది. పవన్ కల్యాణ్‌ సినిమా కోసం ఈ పంచ్‌ లైన్‌ ఇచ్చింది.
‘గబ్బర్‌సింగ్‌’ తర్వాత పవన్ కల్యాణ్‌ – హరీష్ శంకర్ కలయికలో రూపొందుతున్న చిత్రం ‘ఉస్తాద్‌ భగత్‌సింగ్‌’. మైత్రీ మూవీ మేకర్స్‌ (Mythri Movie Makers) పతాకంపై ఈ సినిమా షూటింగ్‌ మొదలైంది. బుధవారం రాత్రి సినిమా సెట్లో పవన్ కల్యాణ్‌ అడుగుపెట్టారని టీమ్‌ ఓ పోస్టర్‌ను విడుదల చేసింది. ఈ సినిమాలో పవన్‌కు జోడీగా శ్రీలీల నటిస్తోందని సమాచారం. గతేడాది డిసెంబరులో పూజా కార్యక్రమాలతో ప్రారంభమైన ఈ చిత్రం ఇప్పుడు సెట్స్‌పైకి వెళ్లింది. ఆనంద్‌ సాయి తీర్చిదిద్దిన పోలీస్‌ స్టేషన్‌ సెట్లో చిత్రీకరణ జరుపుతున్నారు.
ఈ నేపథ్యంలో సినిమా టీమ్‌ ఓ పోస్టర్‌ను రిలీజ్ చేసింది. దాంతోపాటు ‘ఉస్తాద్‌ ఊచకోత షురూ’ అని ఓ పంచ్‌ లైన్‌ కూడా పెట్టారు. దీంతో మైత్రీ వాళ్లు మరో పంచ్‌ లైన్‌ పట్టుకున్నారు.. అదిరిపోయింది అంటూ సోషల్‌ మీడియాలో కామెంట్స్‌ కనిపిస్తున్నాయి. అభిమానుల నుండి వినిపిస్తున్నాయి. ఇవి డైరక్టర్లు, రైటర్లు పెడుతున్నారా? లేక మైత్రీ టీమే రాయిస్తోందా అనే డౌట్‌ కూడా ఉంది. ఎందుకంటే ప్రతి సినిమాకు ఓ లైన్‌ పట్టుకుని దాన్నే హుక్‌ చేసి అదరగొడుతున్నారు.
సంక్రాంతికి వచ్చిన చిరంజీవి ‘వాల్తేరు వీరయ్య’ సినిమాకు పూనకాలు లోడింగ్‌ అని అన్నారు. బాలకృష్ణ ‘వీర సింహా రెడ్డి’కి జాతర అంటూ బజ్‌ క్రియేట్‌ చేశారు. ఇప్పుడు ‘ఊచకోత’ అంటున్నారు. ఇలా ప్రతి సినిమాకు ఓ ట్యాగ్‌లైన్‌ పట్టుకుని వెళ్లడం ఈజీయేనా? అంటే మన రైటర్లు ఏదైనా చేస్తారు, ఎలాంటి బలమైనా మాట అయినా రాస్తారు.. అనే మాట వినిపిస్తోంది.
హీలీవుడ్‌లో నటించిన 15 మంది ఇండియన్ యాక్టర్స్ వీళ్లే..!
టాలీవుడ్‌లో గుర్తింపు తెచ్చుకున్న 10 మంది కోలీవుడ్ డైరెక్టర్స్ వీళ్లే..!
తు..తు…ఇలా చూడలేకపోతున్నాం అంటూ…బాడీ షేమింగ్ ఎదురుకున్న హీరోయిన్లు వీళ్ళే
నాగ శౌర్య నటించిన గత 10 సినిమాల బాక్సాఫీస్ పెర్ఫార్మన్స్ ఎలా ఉందంటే?
Home