Ram Charan: జనసేన పార్టీ కోసం రామ్ చరణ్ ఫ్యాన్స్ ఏం చేస్తున్నారంటే..?

మార్చి 27 మెగా పవర్ స్టార్ రామ్ చరణ్ బర్త్‌డే.. ఈ స్పెషల్ డే ని గ్రాండ్‌గా సెలబ్రేట్ చేయడానికి మెగాభిమానులు భారీ ఏర్పాట్లు చేస్తున్నారు.. సాధారణంగా ప్రతి ఏడాది కంటే ఎక్కువగా.. డబుల్, ట్రిపుల్ అనేలా సంబరాలు జరుపనున్నారు.. దీనికి కారణం కొత్తగా చెప్పక్కర్లేదు.. మార్చి 13న ‘ఆర్ఆర్ఆర్’ లోని ‘నాటు నాటు’ పాటకు ఆస్కార్ వచ్చింది.. సరిగ్గా రెండు వారాల తర్వాత చెర్రీ పుట్టినరోజు వస్తోంది.. ఇక అభిమానుల ఆనందానికి అవధుల్లేకుండా పోయాయి..

ఈసారి తమ అభిమాన నటుడి జన్మదినాన్ని ధూమ్ ధాంగా జరపాలని ఫిక్స్ అయిపోయారు.. అందుకు తగ్గ ఏర్పాట్లు చేస్తున్నారు.. పలు సేవా కార్యక్రమాలు కూడా చేపట్టనున్నారు.. ఈ సందర్భంగా రామ్ చరణ్ నటించిన మెమరబుల్ లవ్ స్టోరీ ‘ఆరెంజ్’ మూవీని రీ రిలీజ్ చేయబోతున్నారు.. తెలుగు రాష్ట్రాల్లో సెలెక్టెడ్ స్క్రీన్లలో షోలు వేయబోతున్నారు.. దీని ద్వారా వచ్చిన కలెక్షన్లను పవర్ స్టార్ పవన్ కళ్యాణ్ జనసేన పార్టీకి చెందిన జనసేన ఫండ్ డ్రైవ్‌కి విరాళంగా అందజేయనున్నారు..

అంచనాలను అందుకోలేకపోయినా కానీ ‘ఆరెంజ్’ ఎమోషనల్ లవ్ స్టోరీ.. చాలా మందికి ఫేవరెట్ ఫిలిం.. సాంగ్స్ ఇప్పటికీ వినిపిస్తుంటాయి.. ఇటీవల పవన్ ‘జల్సా’ మూవీ స్పెషల్ షోల ద్వారా వచ్చిన మొత్తాన్ని కూడా జనసేన పార్టీకి డొనేట్ చేసిన విషయం తెలిసిందే.. ఇప్పుడు ‘ఆరెంజ్’ వంతు వచ్చింది.. ఆస్కార్ రావడం, సోలోగా ప్రెస్టీజియస్ పాన్ ఇండియా ప్రాజెక్ట్ చేయబోతుండడం.. అన్నిటికంటే ముఖ్యంగా ఈ ఏడాది చెర్రీ తండ్రి కానుండడం (ఇటీవలే ఈ శుభవార్తను పంచుకున్న విషయం తెలిసిందే) తో ఈ పుట్టినరోజు సెలబ్రేషన్స్ గ్రాండ్‌గా చేయాలని డిసైడ్ అయ్యారు మెగాభిమానులు..

అలాగే ఉగాదికి శంకర్ దర్శకత్వంలో నటిస్తున్న RC 15కి సంబంధించిన టైటిల్, పుట్టినరోజుకి చరణ్ ఫస్ట్ లుక్ రిలీజ్ చేయనున్నారని తెలుస్తోంది.. ‘ఉప్పెన’ ఫేమ్ బుచ్చిబాబుతో చేస్తున్న సినిమా నుండి క్రేజీ అప్‌డేట్ కూడా రానుందని అంటున్నారు.. మొత్తానికి మెగా పవర్ స్టార్ బర్త్‌డేని మంచి మెమరీలా నిలిచిపోయేలా చేయాలనుకుంటున్నారు ఫ్యాన్స్..

రెమ్యూనరేషన్ విషయంలో తగ్గేదే లే అంటున్న టాప్ 10 తెలుగు దర్శకులు!
విదేశాల్లో ఎక్కువగా కలెక్ట్ చేసిన 10 ఇండియన్ సినిమాలు!

2023 టాప్ 10 తెలుగు హీరోయిన్లు వాళ్ళ రెమ్యూనరేషన్స్.!
మనోజ్ టు అభిరామ్.. పెద్దోళ్ల సపోర్ట్ కు దూరంగా ఉన్న వారసుల లిస్ట్