హల్ చల్ చేస్తున్న పడి పడి లేచే మనసు వీడియో ప్రోమో

యంగ్ హీరో శ‌ర్వానంద్ – సాయి పల్లవిల క్రేజీ కాంబినేసన్ లో రూపొందుతున్న చిత్రం “పడి పడి లేచే మనసు”. హను రాఘవపూడి దర్శకత్వంలో తెరకెక్కుతున్న ఈ చిత్రం డిసెంబర్ 21న విడుదలకానుంది. షూటింగ్ మొదలైనప్పటికంటే ఎక్కువగా.. విడుదలకు రెడీ అవ్వడంలో లేట్ అవుతుండడంతో మాత్రం లెక్కలేనన్ని రూమర్లకు తావునిచ్చింది. కాగా ఈ మూవీ టైటిల్ సాంగ్ ను వీడియోతో చిత్ర యూనిట్ విడుద‌ల చేసింది. కృష్ణ‌కాంత్ రాసిన ఈ గీతాన్ని ఆర్మాన్ మాలిక్, సింధూరి విశాల్ ఆల‌పించారు. ఈ సాంగ్ కి విశాల్ చంద్ర‌శేఖ‌ర్ సంగీతం స‌మ‌కూర్చాడు.

ఈ సాంగ్ ప్రొమో లో శ‌ర్వా, సాయి ప‌ల్ల‌విల కెమిస్ట్రీ అదిరిపోయేలా ఉంది..రొమాంటిక్ స‌న్నివేశాల్లో కేవ్వు కేక పుట్టించారు.. సాంగ్ కోసం వాడిన లోకేష‌న్ కూడా నిండుద‌నం తెచ్చింది. ఈ చిత్రాన్ని చెరుకూరిసుధాకర్, చుక్కపల్లి ప్రసాద్ లు సంయుక్తంగా నిర్మిస్తున్నారు. ఈ సాంగ్ లో ఇద్దరి మధ్య కెమిస్ట్రీ చూస్తుంటే.. సినిమాలో ఇంకే స్థాయిలో ఉంటుందో అని ఊహించేసుకొంటున్నారు జనాలు. మరి హను వారి అంచనాలను చేరుకోగలుగుతాడో లేదో తెలియాలంటే డిసెంబర్ 21 వరకూ వెయిట్ చేయాల్సిందే.