సైరా టీజర్ పై స్పందించిన తొలి స్టార్ పవన్ కళ్యాణ్

నేడు మెగాస్టార్ చిరంజీవి పుట్టినరోజుని అభిమానులు వైభవంగా జరుపుకుంటున్నారు. తన అభిమానుల కోసం చిరు నిన్ననే తన 151 సినిమా “సైరా నరసింహారెడ్డి” టీజర్ ని గిఫ్ట్ గా ఇచ్చారు. ఆ టీజర్ అందరికీ భలే నచ్చింది. సామాన్యుల నుంచి సెలబ్రిటీల వరకు అభినందనలు గుప్పించారు. తొలి స్వాతంత్ర్య సమరయోధుడు ఉయ్యాలవాడ నరసింహారెడ్డి గా చిరు గా సూపర్ గా సెట్ అయ్యారని ప్రశంసించారు. సురేందర్ రెడ్డి దర్శకత్వ ప్రతిభ, రత్నవేలు విజువల్స్, అమిత్ త్రివేది నేపథ్యసంగీతం మెస్మరైజ్ చేస్తోంది. ఈ టీజర్ ని చూసి తొలిసారి అభినందించిన స్టార్ పవన్ కళ్యాణ్ అని తెలిసింది. ఈ విషయాన్ని నిర్మాత రామ్ చరణ్ తేజ్ చెప్పారు. “సైరా’ టీజర్ ను చూసిన మొదటి వ్యక్తి పవన్ కళ్యాణ్.

నిన్న టీజర్ ఫైనల్ ఔట్ పుట్ నాకు 10.45కు వచ్చింది. వెంటనే దాన్ని బాబాయ్ (పవన్ కళ్యాణ్ ) కి ఫార్వర్డ్ చేశాను. 11.10కి బాబాయ్ నుంచి నాకు రిప్లయ్ వచ్చింది… ‘టీజర్ అదిరిపోయింది… థియేటర్ లో చూసేందుకు రెడీ అవుతున్నాను’ అని బాబాయ్ చెప్పారు” అని రామ్ చరణ్ తేజ్ వెల్లడించారు. అమితాబ్ బచ్చన్, జగపతిబాబు, నయనతార, విజయ్ సేతుపతి తదితరులు నటిస్తున్న ఈ సినిమాపై భారీ అంచనాలు ఉన్నాయి. ఈ మూవీ ఒకేసారి తెలుగు, తమిళం, హిందీ భాషల్లో రిలీజ్ చేయడానికి చిత్ర బృందం ఇప్పటి నుంచే సన్నాహాలు చేస్తోంది.