Pawan Kalyan, Mahesh Babu: పవన్ కళ్యాణ్ అప్పుడే ఓకే చెప్పారట.. కానీ..?

స్టార్ డైరెక్టర్ పూరీ జగన్నాథ్ డ్రీమ్ ప్రాజెక్ట్ లలో జనగణమన ఒకటనే సంగతి తెలిసిందే. ఆ సినిమాను ఎప్పటికైనా కచ్చితంగా తెరకెక్కిస్తానని పూరీ జగన్నాథ్ పలు సందర్భాల్లో చెప్పారు. పూరీ జగన్నాథ్ మహేష్ కోసం ఈ సినిమా స్క్రిప్ట్ ను సిద్ధం చేయగా మహేష్ ఈ కథను రిజెక్ట్ చేశారు. అయితే గత రెండు రోజుల నుంచి పవన్ పూరీ కాంబో సినిమాకు సంబంధించి వార్తలు వస్తుండగా జనగణమన స్క్రిప్ట్ నే పవన్ తో పూరీ తెరకెక్కించనున్నారని తెలుస్తోంది.

మహేష్ రిజెక్ట్ చేసిన కథలో పవన్ నటిస్తున్నారని తెలిసి పవన్ ఫ్యాన్స్ ఒకింత టెన్షన్ పడుతున్నారు. సినిమాల విషయంలో మహేష్ బాబు జడ్జిమెంట్ ఎక్కువసార్లు కరెక్ట్ అవుతుందని మహేష్ నో చెప్పిన కథలో పవన్ నటిస్తూ రిస్క్ చేస్తున్నారని పవన్ ఫ్యాన్స్ అభిప్రాయపడుతున్నారు. అయితే పవన్ పూరీ జగన్నాథ్ కాంబినేషన్ లో తెరకెక్కిన బద్రి, కెమెరామెన్ గంగతో రాంబాబు సినిమాలు బాక్సాఫీస్ దగ్గర బ్లాక్ బస్టర్ హిట్లుగా నిలిచాయి. జనవరి నెలలోనే పూరీ జగన్నాథ్ పవన్ కు లైన్ చెప్పి ఒప్పించారని స్టోరీ లైన్ విన్న పవన్ పూర్తి స్క్రిప్ట్ సిద్ధం చేయమని పూరీ జగన్నాథ్ కు చెప్పారని సమాచారం.

అయితే ఈ సినిమాకు నిర్మాత ఎవరనే విషయం తెలియాల్సి ఉంది. వకీల్ సాబ్ సినిమాతో హిట్ కొట్టిన పవన్ కళ్యాణ్ ప్రస్తుతం అయ్యప్పనుమ్ కోషియమ్, హరిహర వీరమల్లు సినిమాలతో బిజీగా ఉన్నారు. ఈ సినిమాలు పూర్తయ్యాక పవన్ హరీష్ శంకర్ కాంబినేషన్ లో ఒక సినిమా పట్టాలెక్కనుంది. పూరీ జగన్నాథ్ స్క్రిప్ట్ కు పవన్ ఓకే చెప్పినా ఈ సినిమా షూటింగ్ మొదలవ్వాలంటే చాలా సమయం పట్టేలా ఉంది.

Most Recommended Video

ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!