Pawan Kalyan: పవర్‌ స్టార్‌ తీసేయడం వెనుక కారణమిదేనట

September 27, 2021 / 03:10 PM ISTByFilmy Focus

Join Us

Pawan Kalyan: పవర్‌ స్టార్‌ తీసేయడం వెనుక కారణమిదేనట

మొన్నీమధ్య పవన్‌ కల్యాణ్‌ పుట్టిన రోజు నాడు… ఆయన పని చేస్తున్న సినిమా నిర్మాణ సంస్థలు కొత్త పోస్టర్లు విడుదల చేశాయి. అందులో గమనిస్తే…. ఎక్కడా పవర్‌ స్టార్ అని ఉండదు. పవన్‌ కల్యాణ్‌ను అభిమానులు PSPK అని పిలుచుకుంటూ ఉంటారు. అంటే పవర్‌ స్టార్‌ పవన్‌ కల్యాణ్. అయితే ఆయన తన సినిమా ప్రచారంలో పవర్‌ స్టార్‌ అనేది వద్దన్నారని, అందుకే పోస్టర్లలో తీసేశారు అని వార్తలొచ్చాయి. దీనిపై ఇటీవల పవన్ క్లారిటీ ఇచ్చాడు.

పవన్‌ కల్యాణ్‌ గురించి గత కొద్ది రోజులుగా ‘పవర్‌లో లేని పవర్‌ స్టార్‌’ అంటూ కొంతమంది సోషల్‌ మీడియాలో కామెంట్స్‌ చేస్తున్నారు. ఈ మాటలు ఆ నోట, ఈ నోట ఆయన చెవిన పడినట్లు ఉన్నాయి. అందుకే తన పేరు ముందు పవర్‌ స్టార్‌ అనే ట్యాగ్‌ వద్దని చెప్పారట పవన్‌. ఈ విషయాన్ని ఆయనే ఇటీవల చెప్పుకొచ్చారు. ‘రిపబ్లిక్‌’ ప్రీరిలీజ్‌ ఈవెంట్‌లో అభిమానులు పవర్‌ స్టార్‌, సీఎం అంటూ రకరకాలుగా నినాదాలు చేశారు.

ఈ క్రమంలో పవన్‌ కల్యాణ్‌ మాట్లాడుతూ… ‘పవర్‌లో లేని నాకు పవర్‌స్టార్‌ ఎందుకు. అందుకే పేరు ముందు కూడా తీసేయమన్నా’ అని పవన్‌ కల్యాణ్‌ చెప్పుకొచ్చారు. అంటే ఇప్పుడు ఆయన అధికార సింహాసనం మీద కూర్చునే దాకా పవర్‌ స్టార్‌ ట్యాగ్‌లైన్‌ వద్దా అనేది ఇక్కడ ప్రశ్న. పవన్‌ ఏదో సీఎం అవుతాడనో, అధికారంలోకి వస్తాడని పవర్‌ స్టార్‌ అనే బిరుదు ఇవ్వలేదు. అలాంటిది అధికారం లేదని ఇప్పుడు తీసేస్తే ఎలా?