పవన్ ముచ్చటగా మూడో చిత్రాన్ని కూడా ప్రకటించేశారు. తనకు గబ్బర్ సింగ్ వంటి బ్లాక్ బస్టర్ హిట్ ఇచ్చిన దర్శకుడు హరీష్ శంకర్ తో ఆయన మూడవ చిత్రం కమిట్ అయ్యారు. పవన్ కళ్యాణ్ 28వ చిత్రంగా వస్తున్న చిత్రాన్ని హరీష్ శంకర్ తెరకెక్కించనున్నట్లు నేడు అధికారిక ప్రకటన విడుదలైంది. ఇక ఈ చిత్రాన్ని టాలీవుడ్ బడా నిర్మాణ సంస్ధలలో ఒకటైన మైత్రి మూవీ మేకర్స్ నిర్మిస్తున్నారు. ఇక హీరోయిన్ తోపాటు మిగతా నటులు సాంకేతిక నిపుణుల వివరాలు తెలియాల్సివుంది. ఇప్పటికే పవన్ కళ్యాణ్ వేణు శ్రీరామ్ దర్శకత్వంలో పింక్ రీమేక్ మరియు దర్శకుడు క్రిష్ తెరకెక్కిస్తున్న పీరియాడిక్ మూవీలో నటిస్తున్నారు.
హరీష్ శంకర్-పవన్ కళ్యాణ్ లది క్రేజీ కాంబినేషన్. 2012 లో వచ్చిన గబ్బర్ సింగ్ పవన్ కళ్యాణ్ కి బ్లాక్ బస్టర్ హిట్ ఇచ్చింది. హిందీ హిట్ మూవీ దబంగ్ కి తెలుగు రీమేక్ గా వచ్చిన ఈ చిత్రం పవన్ ని ప్లాప్ ల నుండి బయటపడేసింది. ఈ చిత్రానికి ముందు వరుసగా మూడు ప్లాప్ లు ఎదుర్కొన్నారు పవన్ కళ్యాణ్. ఆయన నటించిన పులి, తీన్ మార్ , పంజా చిత్రాలు వరుసగా విఫలం చెందాయి. మళ్ళీ దాదాపు 8ఏళ్ల తరువాత హరీష్ శంకర్ మరియు పవన్ కాంబినేషన్ లో చిత్రం రావడంతో ఫ్యాన్స్ లో అమితాసక్తి నెలకొంది.
అల్లు అర్జున్ ఆస్తుల వివరాలు
అత్యధిక లాభాలు తెచ్చిపెట్టిన మీడియం రేంజ్ హీరోల సినిమాలు ఇవే..!
