పవర్ స్టార్ పవన్ కళ్యాణ్ ప్రస్తుతం ఒకవైపు సినిమాలలో నటిస్తూనే మరోవైపు వారాహి యాత్రలో భాగంగా ఆంధ్రప్రదేశ్ రాష్ట్ర రాజకీయాలలో కూడా చాలా చురుగ్గా పాల్గొంటున్నారు. ఈ క్రమంలోనే పవన్ కళ్యాణ్ వారాహి యాత్రలో భాగంగా కేవలం తన అభిమానులను మాత్రమే కాకుండా ఇతర హీరోల అభిమానులను కూడా ఆకట్టుకునే ప్రయత్నం చేస్తున్నారు. ఈ క్రమంలోనే తనకు తోటి టాలీవుడ్ హీరోలు అంటే ఎంతో ఇష్టమని పలు సందర్భాలలో తెలియజేస్తున్నారు.
తెలుగు చిత్ర పరిశ్రమలో మహేష్ బాబు రామ్ చరణ్ ఎన్టీఆర్ అల్లు అర్జున్ వంటి స్టార్ హీరోలు అందరూ కూడా తనకు ఇష్టమేనని వారు నాకన్నా పెద్ద హీరోలు అంటూ వారిపై ప్రశంసలు కురిపిస్తూ వారి అభిమానులను కూడా ఆకట్టుకునే ప్రయత్నాలు చేస్తున్నారు. ఇక ప్రభాస్ అభిమానుల గురించి పవన్ కళ్యాణ్ మాట్లాడటమే కాకుండా వారికి క్షమాపణలు కూడా తెలియజేశారు. వారాహి యాత్రలో భాగంగా భీమవరంలో పవన్ కళ్యాణ్ అభిమానులను ఉద్దేశిస్తూ మాట్లాడారు.
నేను ఏ రోజు ఫ్యాన్ క్లబ్ పెట్టలేదు కేవలం జనసేన అని మాత్రమే పెట్టాను నాకు అందరూ కావాలి నన్ను అభిమానించని వాళ్లు అభిమానించే వాళ్ళు అందరూ నాకు కావాలని ఈయన తెలిపారు.నేను ఆంధ్రప్రదేశ్ యువత అభిమానులందరికీ కోసం ఉన్నానని కేవలం నా అభిమానుల కోసం మాత్రమే కాదని పవన్ కళ్యాణ్ తెలిపారు. ఇక ప్రభాస్ అభిమానుల గురించి మాట్లాడుతూ ఇక్కడ ప్రభాస్ అభిమానులు చాలా మంది ఉన్నారని తెలిపారు.
అయితే గతంలో (Pawan Kalyan) పవన్ కళ్యాణ్ అభిమానులకు ప్రభాస్ అభిమానులకు మధ్య జరిగిన గొడవ గురించి ఈ సందర్భంగా పవన్ కళ్యాణ్ మాట్లాడారు. గతంలో ఒక ఫ్లెక్సీ విషయంలో ప్రభాస్ అభిమానులతో నా అభిమానులు గొడవపడ్డారని తెలిపారు. చిన్న పోస్టర్ చిరిగితే అంత పెద్ద గొడవ చేయకూడదు క్షమించి వదిలేయాలి. చిన్న గొడవను పెద్దది చేయొద్దు అంటూ చేతులెత్తి వేడుకుంటున్నానని ఈ సందర్భంగా ప్రభాస్ అభిమానులకు పవన్ కళ్యాణ్ క్షమాపణలు చెప్పారు.భీమవరంలో సదరు హీరోల అభిమానులను ఉద్దేశిస్తూ పవన్ కళ్యాణ్ చేసిన ఈ కామెంట్స్ వైరల్ అవుతున్నాయి.
సామజవరగమన సినిమా రివ్యూ & రేటింగ్!
వివాదాలకు కేరాఫ్ అడ్రస్ మారిన విజయ్ దళిపతి సినిమాలు!
Home