Pawan Kalyan: పవర్ స్టార్ ఫ్యాన్స్ కు అదిరిపోయే గుడ్ న్యూస్!

పవర్ స్టార్ పవన్ కళ్యాణ్ నటిస్తున్న భీమ్లా నాయక్ వచ్చే ఏడాది సంక్రాంతికే రిలీజ్ కానుందని అధికారిక ప్రకటన మరోసారి వెలువడింది. ఆర్ఆర్అర్, రాధేశ్యామ్ సంక్రాంతికే విడుదలవుతున్నా ఫ్యాన్స్ నుంచి ఒత్తిడి ఉన్న నేపథ్యంలో భీమ్లా నాయక్ మేకర్స్ ఈ సినిమా రిలీజ్ విషయంలో వెనక్కు తగ్గకూడదని భావిస్తున్నట్టు బోగట్టా. పవన్ నటిస్తున్న హరిహర వీరమల్లు వచ్చే ఏడాది ఏప్రిల్ 29వ తేదీన రిలీజ్ కానుంది. ఇప్పటికే హరిహర వీరమల్లు షూటింగ్ సగం పూర్తవగా క్రిష్ షూటింగ్ ను వేగంగానే పూర్తి చేస్తారు

కాబట్టి హరిహర వీరమల్లు రిలీజ్ డేట్ విషయంలో మార్పు ఉండే అవకాశం లేదు. మరోవైపు హరీష్ శంకర్ డైరెక్షన్ లో పవన్ నటిస్తున్న భవదీయుడు భగత్ సింగ్ రిలీజ్ డేట్ కూడా ఫిక్స్ అయిందని తెలుస్తోంది. అక్టోబర్ నెల 5వ తేదీన ఈ సినిమా రిలీజ్ కానుందని సమాచారం. పవన్ కు జోడీగా ఈ మూవీలో పూజా హెగ్డే నటిస్తున్నారు. భారీ బడ్జెట్ తో మైత్రీ మూవీ మేకర్స్ బ్యానర్ పై ఈ సినిమా తెరకెక్కనుండగా త్వరలో ఈ సినిమా రిలీజ్ డేట్ కు సంబంధించి అధికారిక ప్రకటన వచ్చే ఛాన్స్ అయితే ఉందని తెలుస్తోంది.

గబ్బర్ సింగ్ తర్వాత పవన్ హరీష్ శంకర్ కాంబినేషన్ లో తెరకెక్కుతున్న సినిమా ఇదే కావడం గమనార్హం. టాలీవుడ్ సినిమాలకు సంబంధించి రిలీజ్ డేట్ల సమస్య ఏర్పడుతున్న నేపథ్యంలో మైత్రీ మూవీ మేకర్స్ భవదీయుడు భగత్ సింగ్ రిలీజ్ డేట్ ను ఫిక్స్ చేసినట్లు సమాచారం.

పుష్పక విమానం సినిమా రివ్యూ & రేటింగ్!

Most Recommended Video

ప్రకటనలతోనే ఆగిపోయిన మహేష్ బాబు సినిమాలు ఇవే..!
రాజా విక్రమార్క సినిమా రివ్యూ & రేటింగ్!
3 రోజెస్ వెబ్ సిరీస్ రివ్యూ & రేటింగ్!