మెగాహీరోలకి దక్కని ఛాన్స్ వారికి దక్కిందే!

ఒకప్పుడు టాలీవుడ్ లో వరుసగా మల్టీస్టారర్లు వచ్చేవి. కానీ కొన్నాళ్ల తరువాత స్టార్ హీరోలు కలిసి సినిమాలు చేయడం మానేశారు. ఈ మధ్యకాలంలో మళ్లీ మల్టీస్టారర్లు రావడం మొదలైనప్పటికీ సరికొత్త కాంబినేషన్లు మాత్రం చూడలేకపోతున్నాం. ఎన్టీఆర్, రామ్ చరణ్ కలిసి నటిస్తోన్న ‘ఆర్ఆర్ఆర్’ సినిమా కోసం ప్రేక్షకులు ఆసక్తిగా ఎదురుచూస్తున్నారు. ఇప్పుడు మరో క్రేజీ మల్టీస్టారర్ సెట్స్ పైకి వెళ్తుంది. మలయాళం సినిమా ‘అయ్యప్పనుమ్ కోశియుమ్’ తెలుగు రీమేక్ లో పవన్, రానా కలిసి నటిస్తున్నారు. కథ ప్రకారం సినిమాలో ఇద్దరి హీరోల పాత్రలు నువ్వా-నేనా అన్నట్లుగా ఉంటాయి.

కానీ పవన్ పాత్రను బాగా ఎలివేట్ చేస్తున్నట్లుగా తెలుస్తోంది. నిజానికి పవన్ పాత్ర కోసం ముందుగా బాలకృష్ణ, రవితేజ లాంటి హీరోల పేర్లు వినిపించాయి. కానీ ఫైనల్ గా పవన్ ని రంగంలోకి దించారు. పవన్ తో మల్టీస్టారర్ చేసే ఛాన్స్ రెండోసారి కూడా దగ్గుబాటి హీరోకే దక్కడం విశేషం. గతంలో వెంకటేష్ తో కలిసి పవన్ ‘గోపాల గోపాల’ సినిమా చేసిన సంగతి తెలిసిందే. పవన్ కెరీర్లో అదే తొలి మల్టీస్టారర్.

ఇప్పుడు మరోసారి దగ్గుబాటి కుటుంబానికి చెందిన రానాతో పవన్ స్క్రీన్ షేర్ చేయబోతున్నారు. పవన్ తో కలిసి నటించాలనేది చాలా మంది హీరోల కోరిక. ముఖ్యంగా మెగా ఫ్యామిలీ హీరోలు ఈ ఛాన్స్ కోసం ఎదురుచూస్తున్నారు. కానీ వారెవరికీ దక్కని అవకాశాన్ని రానా దక్కించుకోవడం విశేషం. బహుశా ఇలాంటి ఛాన్స్ ఫ్యూచర్ లో మరే హీరోకి రాదేమో!

Most Recommended Video

2020 Rewind: ఈ ఏడాది సమ్మోహనపరిచిన సుమధుర గీతాలు!
కొన్ని లాభాల్లోకి తీసుకెళితే.. మరికొన్ని బోల్తా కొట్టించాయి!
2020 Rewind: ఈ ఏడాది డిజాస్టర్ సినిమాలు ఇవే..!