అభిమానులను పవన్ ఎప్పుడు కరుణిస్తాడో.. ఏంటో?

‘పవన్ కళ్యాణ్ పూర్తిగా సినిమాల్లో ఉంటేనే బాగుండేది.. అనవసరంగా రాజకీయాలకు వెళ్ళాడు. వెళ్తే వెళ్ళాడు సినిమాలు మానెయ్యడం ఎందుకు… 2024 ఎన్నికలకి ఇంకో ఐదేళ్ళ వరకూ టైం ఉంది. ఈ టైములో సినిమాలు చేయొచ్చుగా’.. ఇవి పవన్ కళ్యాణ్ అభిమానులు ప్రతీసారి చర్చించుకుంటున్న మాటలు. ‘జనసేన’ పార్టీని అభివృద్ధి చేసే పనులు తప్ప.. ప్రస్తుతం నా మైండ్ లో సినిమాల ఆలోచనే లేదు.. వాటి జోలికి వెళ్ళను’ ఇవి పవన్ కళ్యాణ్ చెప్పుకొస్తున్న మాటలు. ‘ ‘అజ్ఞాతవాసి’ లాంటి డిజాస్టర్ సినిమాతో కెరీర్ ను ముగించొద్దు అన్నా.. సినిమాలు చెయ్యి’ అని పవన్.. ‘జనసేన’ మీటింగులు పెడుతున్నప్పుడు అరవని అభిమాని లేడు అంటే అతిశయోక్తి లేదు.

‘పూర్తిగా నా సమయాన్ని ప్రజల సమస్యలు తీర్చడానికే కేటాయిస్తా. పార్టీ అభివృద్ధి పనులు తప్ప మరో ఆలోచన లేనే లేదు. నన్ను నమ్ముకుని చాలా మంది నాయకులు నా పార్టీ కోసం పనిచేస్తున్నారు. వాళ్ళని వదిలేసి సినిమాలు చేసుకోవడం కరెక్ట్ కాదు అంటూ ఫ్యాన్స్ కోరికలకు బ్రేకులు వేస్తూనే ఉన్నాడు. ఇటీవల జరిగిన తానా సభలో పవన్ కళ్యాణ్ లుక్ చూసి అభిమానులు అస్సలు తట్టుకోలేకపోతున్నారు. ‘అన్నా.. ప్లాపయినా పర్వాలేదు ఒక్క సినిమా చెయ్యన్నా’ అంటూ తమ ఆవేదన వ్యక్తం చేస్తున్నారు. పవన్ మనసు మార్చుకోవడం లేదు.. వాళ్ళు కూడా వదిలిపెట్టడం లేదు. మరి పవన్ మనసు మారి ఎప్పుడు అభిమానుల కోరిక తీరుస్తాడా చూడాలి..!