మహేష్ ని మించిన పవన్ కళ్యాణ్!

మాటల మాంత్రికుడు త్రివిక్రమ్ శ్రీనివాస్ తో పవర్ స్టార్ పవన్ కళ్యాణ్  చేస్తున్న సినిమా ప్రస్తుతం కాశీలో చిత్రీకరణ జరుపుకుంటోంది. అక్కడ నుంచే టైటిల్ (అజ్ఞాతవాసి), ఫస్ట్ లుక్ రిలీజ్ చేసిన సంగతి తెలిసిందే. ఈ లుక్ పవన్ ఫ్యాన్స్ ని విపరీతంగా ఆకట్టుకుంది. అను ఇమ్మానియేల్ , కీర్తి సురేష్ లు హీరోయిన్లుగా నటిస్తున్న ఈ సినిమా గురించి ఆసక్తికర విషయం బయటికి వచ్చింది. హారిక హాసిని క్రియేషన్స్ బ్యానర్లో రాధాకృష్ణ నిర్మిస్తున్న ఈ చిత్రం కేవలం ఆంధ్ర థియేటర్ రైట్స్ 50 కోట్లు పలికి రికార్డ్ సృష్టించింది. తెలంగాణ థియేటర్ రైట్స్ కూడా భారీ ధర పలకనుందని ట్రేడ్ వర్గాలు తెలిపాయి. ఇక ప్రస్తుతం టాలీవుడ్ లో తెరకెక్కుతోన్న సినిమాల్లో మరో క్రేజీ మూవీ భరత్ అను నేను.

శ్రీమంతుడు కాంబినేషన్లో రూపుదిద్దుకుంటున్న ఈ చిత్రం కేవలం ఆంధ్ర థియేటర్ రైట్స్ 45 కోట్లు పలికిందని సమాచారం. సో ఈ లెక్కన పవన్ కళ్యాణ్ మహేష్ బాబు ని మించిపోయారు. వీరిద్దరికీ గత చిత్రాలు హిట్ కాకపోయినప్పటికీ ఇంత డిమాండ్ ఉండడం వారి క్రేజ్ ని చాటిచెబుతోంది. భారీ అంచనాలు నెలకొని ఉన్న అజ్ఞాతవాసి జనవరి 10 న రిలీజ్ అవుతుండగా.. భరత్ అను నేను వేసవిలో వినోదాన్ని పంచనుంది.