ప్రపంచానికి దూరంగా పవన్

పుట్టినరోజుని వైభవంగా జరుపుకోవడం పవర్ స్టార్ పవన్ కళ్యాణ్ కు ఇష్టముండదు. చిన్నప్పటి నుంచి బర్త్ డే పార్టీలు ఇవ్వలేదు. ఈ రోజు కూడా అయన జన్మదిన వేడుకను నిర్వహించుకోవడం లేదు. “పవన్ ఈరోజు శుభాకాంక్షలు తీసుకోవడానికి ఎవరికీ అందుబాటులో ఉండడం లేదు. రోజంతా ఒంటరిగా గడపనున్నారు. అతని సెల్ ఫోన్ కూడా పని చేయదు” అని పవన్ సన్నిహితులు చెప్పారు. పవన్ ని అభిమానులు కలవడానికి కుదరదు. ఈ విషయం పవన్ ఫ్యాన్స్ కి ఎప్పటి నుంచో తెలుసు. అందుకే వారు హైదరాబాద్ కి రాకుండా.. వారి ప్రాంతాల్లోనే సంబరాలు చేసుకుంటున్నారు.

బాబీ దర్శకత్వంలో అయన నటిస్తున్న “కాటం రాయుడు” టైటిల్ పోస్టర్ ని శుక్రవారం విడుదల చేశారు. ఇది విశేషంగా ఆకట్టుకుంది. కాకినాడ లో ఈ నెల 9 న నిర్వహించనున్న సభ అనంతరం ఈ సినిమా షూటింగ్ లో పవర్ స్టార్ పాల్గొంటారు. శరత్ మరార్ నిర్మిస్తున్న ఈ చిత్రానికి సంభందించిన కొన్ని సన్ని వేషాల చిత్రీకరణ పూర్తి అయింది. వచ్చే వారం నుంచి మొదలయ్యే షూటింగ్ లో పవన్ తో పాటు హీరోయిన్ శృతి హాసన్ కూడా పాల్గొనే అవకాశం ఉంది.