స్టార్ హీరో పవన్ కళ్యాణ్ నటించిన భీమ్లా నాయక్ సినిమా అయ్యప్పనుమ్ కోషియమ్ అనే మలయాళ మూవీ రీమేక్ అనే సంగతి తెలిసిందే. పవన్ తన సినీ కెరీర్ లో ఎక్కువగా రీమేక్ సినిమాలలో నటించగా కొన్నిసార్లు ఆ సినిమాలు బాక్సాఫీస్ వద్ద పాజిటివ్ ఫలితాలను అందుకుంటే మరి కొన్నిసార్లు నెగిటివ్ ఫలితాలను అందుకున్నాయి. పవన్ భవిష్యత్తు ప్రాజెక్ట్ లలో కొన్ని సినిమాలు రీమేక్ అని తెలుస్తోంది. అయితే పవన్ అభిమానులు మాత్రం పవన్ రీమేక్ సినిమాలకు దూరంగా ఉండాలని కోరుకుంటున్నారు.
ప్రస్తుతం ఓటీటీల వల్ల ఇతర భాషల సినిమాలను ప్రేక్షకులు చూసేస్తున్నారు. రీమేక్ సినిమాలకు హిట్ టాక్ వచ్చినా ఒరిజినల్ తో పోల్చి చూస్తుండటం కొన్నిసార్లు సినిమాలకు నెగిటివ్ గా మారుతోంది. రీమేక్ సినిమాల వల్ల కథ, కథనం గురించి ముందే అవగాహన ఉండటంతో కొంతమంది ప్రేక్షకులు రీమేక్ సినిమాలను థియేటర్లలో చూడటానికి ఇష్టపడటం లేదు. పవన్ ఒరిజినల్ కథలతో బ్లాక్ బస్టర్ హిట్లను అందుకుంటే బాగుంటుందని అభిమానులు భావిస్తున్నారు.
పవన్ వినోదయ సీతమ్ అనే మూవీ రీమేక్ కు గ్రీన్ సిగ్నల్ ఇచ్చారని ప్రచారం జరుగుతుండగా ఆ ప్రచారంలో నిజానిజాలు తెలియాల్సి ఉంది. అయితే ఈ రీమేక్ లో పవన్ నిజంగా నటిస్తున్నారో లేదో తెలియాలంటే మరికొన్ని రోజులు ఆగాల్సిందే. పవన్ నటిస్తున్న హరిహర వీరమల్లు ఒరిజినల్ మూవీ అనే విషయం తెలిసిందే. పవన్ త్వరలో భవదీయుడు భగత్ సింగ్ సినిమా షూటింగ్ లో పాల్గొననున్నారు. సురేందర్ రెడ్డి డైరెక్షన్ లో ఒక సినిమాకు కూడా పవన్ కళ్యాణ్ గ్రీన్ సిగ్నల్ ఇచ్చారనే విషయం తెలిసిందే.
రీమేక్ లకు దూరంగా ఉండాలనే ఫ్యాన్స్ కోరికపై పవన్ ఏ విధంగా రియాక్ట్ అవుతారో చూడాల్సి ఉంది. మరోవైపు భీమ్లా నాయక్ తొలిరోజే 40 కోట్ల రూపాయల నుంచి 50 కోట్ల రూపాయల కలెక్షన్లను సాధిస్తుందని అంచనాలు ఉన్నాయి.
Most Recommended Video
బ్రహ్మానందం కామెడీతో హిట్టైన 10 సినిమాల లిస్ట్..!
సెలబ్రిటీ కపుల్స్ నయా ట్రెండ్.. ‘సరోగసీ’..!
చైసామ్, ధనుష్- ఐస్ లు మాత్రమే కాదు సెలబ్రిటీల విడాకుల లిస్ట్ ఇంకా ఉంది..!
Home