Pawan Kalyan: గబ్బర్ వర్సెస్ భీమ్లా.. పోటీ భలే ఉందే!

పవర్ స్టార్ పవన్ కళ్యాణ్ అయ్యప్పనుమ్ కోషియమ్ రీమేక్ లో పోలీస్ పాత్రలో నటిస్తున్నారు. గతంలో పవన్ కళ్యాణ్ పోలీస్ పాత్రల్లో నటించినా ఆ పాత్రల్లో పవన్ సీరియస్ గా కనిపించకుండా ప్రేక్షకులకు ఎంటర్టైన్మెంట్ అందిస్తూ నవ్వించారు. అయితే భీమ్లా నాయక్ గా పవన్ ఒరిజినల్ లో ఉన్న సీరియస్ నెస్ ను మిస్ కాకుండా జాగ్రత్తలు తీసుకుంటున్నారని ఇప్పటికే రిలీజైన పోస్టర్స్, మేకింగ్ వీడియోను చూస్తే అర్థమవుతోంది. మేకింగ్ వీడియోను చూసిన పవన్ ఫ్యాన్స్ సినిమాలో పవన్ కొత్తగా కనిపిస్తున్నారని కామెంట్లు చేస్తున్నారు.

కళ్లలో ఉరిమే ఉరుముతో రొమ్ములు విరుచుకుని నడిచొస్తున్న పవన్ ను చూసి ఫ్యాన్స్ ఫిదా అయ్యారు. హుందాతనం కలిగిన పోలీస్ ఆఫీసర్ గా పవన్ అభిమానులను ఆకట్టుకునేలా ఉన్నారు. గబ్బర్ సింగ్ ను మించిన సక్సెస్ ను పవన్ సొంతం చేసుకుంటారని ఫ్యాన్స్ అభిప్రాయం వ్యక్తం చేస్తుండటం గమనార్హం. గబ్బర్ సింగ్ కు పవన్ కళ్యాణ్ హ్యూమర్ ప్లస్ కాగా సర్దార్ గబ్బర్ సింగ్ సినిమాకు అదే మైనస్ గా మారింది.

వరుసగా పవన్ పోలీస్ ఆఫీసర్ పాత్రల్లో నటించడం యాదృచ్ఛికం అయినప్పటికీ పవన్ పోలీస్ పాత్రకు బాగా సూట్ అవుతారనే కామెంట్లు సైతం వినిపిస్తున్నాయి. నాన్ థియేట్రికల్ హక్కులతోనే రికార్డులు క్రియేట్ చేస్తున్న పవన్ కళ్యాణ్ సినిమా రిలీజైన తర్వాత ఎన్ని సంచలనాలు సృష్టిస్తాడో చూడాల్సి ఉంది. పవన్ రానా కాంబినేషన్ సీన్లు ఈ సినిమాకు హైలెట్ కానున్నాయి. పవన్ కళ్యాణ్ పూర్తిగా మారిపోయి కొత్తగా కనిపిస్తుండగా గబ్బర్ సింగ్ ను మించి భీమ్లా నాయక్ ప్రేక్షకులకు నచ్చుతాడేమో చూడాల్సి ఉంది.

Most Recommended Video

ఇష్క్ మూవీ రివ్యూ & రేటింగ్!
తిమ్మరుసు మూవీ రివ్యూ & రేటింగ్!
‘నారప్ప’ మూవీ నుండీ అదిరిపోయే డైలాగులు..!