పవర్ స్టార్ పవన్ కళ్యాణ్ రీఎంట్రీలో వకీల్ సాబ్, భీమ్లా నాయక్ సినిమాలతో విజయాలను అందుకున్నా ఈ సినిమాలు పవన్ కళ్యాణ్ స్థాయికి తగిన హిట్లు కాదని అభిమానులు భావిస్తున్నారు. ఈ సినిమాలు రీమేక్ సినిమాలు కావడం కూడా పవన్ అభిమానులను ఒకింత నిరాశపరుస్తోంది. భీమ్లా నాయక్ సినిమా హిందీలో కూడా విడుదలవుతుందని భావించిన అభిమానులకు మేకర్స్ షాకిచ్చిన సంగతి తెలిసిందే. భీమ్లా నాయక్ హిందీ థియేట్రికల్ ట్రైలర్ ను కూడా విడుదల చేసిన మేకర్స్ ఈ సినిమా హిందీ వెర్షన్ గురించి ఎలాంటి అప్ డేట్ ఇవ్వకపోవడంతో భీమ్లా నాయక్ హిందీ వెర్షన్ ఆగిపోయినట్టేనని ప్రచారం జరుగుతోంది.
అయితే టాలీవుడ్ స్టార్ హీరోలలో ఇప్పటికే చాలామంది హీరోలకు పాన్ ఇండియా ఇమేజ్ వచ్చింది. రాజమౌళి డైరెక్షన్ లో తెరకెక్కిన సినిమాల ద్వారా ప్రభాస్, చరణ్, ఎన్టీఆర్ లకు పాన్ ఇండియా ఇమేజ్ రాగా సుకుమార్ డైరెక్షన్ లో తెరకెక్కిన పుష్ప మూవీ వల్ల బన్నీకి పాన్ ఇండియా ఇమేజ్ వచ్చింది. రాజమౌళి డైరెక్షన్ లో తెరకెక్కనున్న సినిమాతో మహేష్ కు కూడా త్వరలో పాన్ ఇండియా హీరోగా గుర్తింపు దక్కనుంది.
అయితే పవన్ హీరోగా క్రిష్ డైరెక్షన్ లో తెరకెక్కుతున్న హరిహర వీరమల్లు 200 కోట్ల రూపాయల బడ్జెట్ తో పాన్ ఇండియా మూవీగా తెరకెక్కుతోంది. ఈ సినిమా ఈ ఏడాదే థియేటర్లలో విడుదల కానున్న విషయం తెలిసిందే. అయితే ఈ సినిమాతో క్రిష్ కచ్చితంగా బ్లాక్ బస్టర్ హిట్ సాధించాలని పవన్ అభిమానులు క్రిష్ పై ఒత్తిడి పెంచుతున్నారు. పవన్ కు హరిహర వీరమల్లు సినిమాతో పాన్ ఇండియా హీరోగా క్రిష్ గుర్తింపు తెచ్చిపెట్టాలని ఫ్యాన్స్ భావిస్తున్నారు.
పవన్ కు పాన్ ఇండియా గుర్తింపు విషయంలో అభిమానులు ఫీలవుతున్నారు. హరిహర వీరమల్లు సినిమాలో పవన్ రెండు వేర్వేరు గెటప్స్ లో కనిపించనున్నారు. ఏఎం రత్నం నిర్మాతగా ఈ సినిమా తెరకెక్కుతోంది.
Most Recommended Video
‘బాహుబలి’ కి ఉన్న ఈ 10 అడ్వాంటేజ్ లు ‘ఆర్.ఆర్.ఆర్’ కు లేవట..!
‘ఆర్.ఆర్.ఆర్’ మూవీ గురించి ఈ 11 ఇంట్రెస్టింగ్ విషయాలు మీకు తెలుసా?
‘పుష్ప’ తో పాటు బుల్లితెర పై రికార్డ్ టి.ఆర్.పి లు నమోదు చేసిన 10 సినిమాల లిస్ట్…?
