ట్విట్టర్ లో ఓటింగ్ పెడితే పవన్ ని సీఎం చేస్తారట

నిన్నటి నుండి పవన్ ఫ్యాన్స్ ఆనందానికి హద్దులు లేవు. తమ హీరో పేరిట నమోదైన వరల్డ్ రికార్డు చూసి కాలర్ ఎగరేస్తున్నారు. అభిమాన హీరో కోసం నిద్ర కూడా పోకుండా మేల్కొని నెలకొల్పిన రికార్డు చూసి మురిసిపోతున్నారు. 24 గంటలలో 65.1 మిలియన్ ట్వీట్స్ అంటే సాధారణ విషయం కాదు. టాలీవుడ్ లో టాప్ హీరోగా ఉన్న మహేష్ రికార్డుని బ్రేక్ చేయడం వారు గర్వంగా ఫీలవుతున్న అంశాలలో ఒకటి. ఏదిఏమైనా మహేష్ వరల్డ్ రికార్డు బ్రేక్ చేసి నయా రికార్డు నమోదు చేసిన పవన్ ఫ్యాన్స్ ఎంతో సంతృప్తి వ్యక్తం చేస్తున్నారు.

ఈ విజయం తరువాత పవన్ ఫ్యాన్స్ కొత్త కొత్త ఆలోచనలు వస్తున్నాయి. 65 మిలియన్ ట్వీట్స్ అంటే 6.5కోట్ల ట్వీట్స్ అన్నమాట. ఓ హీరో కోసం ఫ్యాన్స్ అన్ని కోట్ల ట్వీట్స్ చేయడం సాధారణ విషయం కాదు. కాగా సోషల్ మీడియాలో ఎలక్షన్స్ పెడితే పవన్ ని సీఎం చేసేస్తారట. అభిమానం చూపడానికి హద్దులు లేని సోషల్ మీడియాలో ఎన్నికలు జరిగితే అఖండ విజయం మాదేనని వారు అంటున్నారు. గత ఎన్నికలలో వారు దైవంగా భావించే పవన్ పోటీ చేసిన రెండు చోట్ల ఓడిపోవడం వారిని బాగా కలచి వేసింది.

తమ ప్రత్యర్థుల దగ్గర అవమానపడేలా చేసింది. ఇప్పటికీ పవన్ ఫ్యాన్స్ ని ఇదే విషయంపై యాంటీ ఫ్యాన్స్, పొలిటికల్ సర్కిల్స్ ఎద్దేవా చేస్తున్నాయి. ఆ అసహనంలో నుండే వీరికి ఇలాంటి ఆలోచనలు వస్తున్నాయి. ఐతే ఈవీఎం లో రీట్వీట్ ఆప్షన్ లా రీవోట్ ఆప్షన్ ఉండదు కదా. అలాగే ఏజ్ లిమిట్, నియోజక వర్గాల విభనలు ఇలా అనేకం ఉంటాయి. ఏదిఏమైనా పవన్ ప్రాణంగా ప్రేమించే అభిమానులు వచ్చే ఎలక్షన్స్ లో సత్తా చాటాలని ఆశిద్దాం.

Most Recommended Video

మొహమాటం లేకుండా తమ సినిమాలు ప్లాప్ అని ఒప్పుకున్న హీరోల లిస్ట్…!
మన తెలుగు సినిమాలు ఏవేవి బాలీవుడ్లో రీమేక్ అవ్వబోతున్నాయంటే?
క్రేజీ హీరోలను లాంచ్ చేసే అవకాశాన్ని మిస్ చేసుకున్న డైరెక్టర్లు?