Pawan Kalyan, Bandla Ganesh: ‘భీమ్లా నాయక్’ ప్రీ రిలీజ్…బండ్లన్నని త్రివిక్రమ్ పక్కన పెట్టాడా?

February 21, 2022 / 11:51 AM ISTByFilmy Focus

Join Us

Pawan Kalyan, Bandla Ganesh: ‘భీమ్లా నాయక్’ ప్రీ రిలీజ్…బండ్లన్నని త్రివిక్రమ్ పక్కన పెట్టాడా?

పవన్ కళ్యాణ్- త్రివిక్రమ్ సినిమాలకి సంబంధించి జరిగే ఈవెంట్లలో.. అభిమానులు ఎక్కువగా పవన్ కళ్యాణ్ లేదా త్రివిక్రమ్ స్పీచ్ ల కోసమే ఎదురుచూస్తుంటారు అనుకోవడం సహజం. కానీ పవన్ అభిమానుల్లో ఇప్పుడు మరో కొత్త కోణం వెలుగులోకి వచ్చింది. అది ఒక్క పవన్ అభిమానుల కోణమనే కాదు.. అందరి ప్రేక్షకుల కోణమని కూడా చెప్పాలి. అదేంటి అంటే..ఈరోజు జరిగే ప్రీ రిలీజ్ ఈవెంట్లో భాగంగా అంతా ఎక్కువగా బండ్ల గణేష్ స్పీచ్ కోసం ఎదురుచూస్తుండడం.

Click Here To Watch

పవన్ కళ్యాణ్ సినిమా వేడుకలకి బండ్ల గణేష్ స్పీచ్ ఎప్పుడూ పీక్స్ లో ఉంటుంది. పవన్ అభిమానులకి బండ్ల గణేష్ స్పీచ్ మంచి కిక్ ఇస్తుంటుంది. అలాగే సోషల్ మీడియాలో ఉండే మీమ్ పేజెస్ వంటి వాటికి కూడా బండ్ల స్పీచ్ మంచి స్టఫ్ అని చెప్పాలి. అయితే ఈరోజు హైద‌రాబాద్‌లోని కోట్ల విజ‌య‌భాస్క‌ర‌రెడ్డి ఇండోర్ స్టేడియంలో నిర్వహించే ‘భీమ్లా నాయక్’ ప్రీ రిలీజ్ వేడుకకి బండ్ల గణేష్ రావడం లేదు అని వినికిడి. విషయంలోకి వెళ్తే..

ఈ వేడుకకి గాను బండ్ల గణేష్ కు ఆహ్వానం అందలేదట. ‘నేను స్పీచ్ కూడా రెడీ చేసుకున్నా.. కానీ ప్రీ రిలీజ్ వేడుకకి నాకు ఇంకా ఆహ్వానం అందలేదు. త్రివిక్రమ్ కావాలనే నన్ను అవైడ్ చేస్తున్నాడు. నా స్పీచ్ ముందు తన స్పీచ్ డామినేట్ అయిపోతుందనే ఇన్సెక్యూరిటీ అతనికి ఉంది’ అనే అర్ధం వచ్చేలా బండ్ల గణేష్ ఓ మాట్లాడుతున్నట్టు ఓ ఆడియో ప్రస్తుతం నెట్టింట్లో వైరల్ అవుతుంది. ఇది ఒరిజినలా.. ఫేకా అన్న విషయం మాత్రం క్లారిటీ.

అయితే ఇది నిజమేనేమో అనే అనుమానాలు అందరిలోనూ కలుగుతున్నాయి. ఎందుకంటే బండ్ల గణేష్ తన ట్విట్టర్లో.. ‘ఎవరైనా మిమ్మల్ని తిరస్కరించినా బాధపడకండి.. అలాంటి వారు ఖరీదైన వాటిని తిరస్కరించి.. చవకైన వాటిని ఎంచుకుంటారు… వారికి మీ విలువ తెలియదు’ అంటూ కామెంట్లు చేసాడు. ఏది ఏమైనా ఈ ఇష్యు పై ఇప్పుడు సోషల్ మీడియాలో బోలెడన్ని మీమ్స్ ట్రెండ్ అవుతున్నాయి.