Pawan Kalyan: భీమ్లా విషయంలో అభిమానుల టెన్షన్ ఇదే!

ఆర్ఆర్ఆర్, రాధేశ్యామ్ మేకర్స్ ఎంతో కష్టపడి భీమ్లా నాయక్ రిలీజ్ డేట్ మారేలా చేశారు. శివరాత్రి కానుకగా తెలుగు రాష్ట్రాల్లో భీమ్లా నాయక్ రిలీజ్ కానుంది. ఫిబ్రవరి 25వ తేదీ సినిమా రిలీజ్ కు అనుకూలమైన తేదీ కాకపోయినా ఆర్ఆర్ఆర్, రాధేశ్యామ్ సినిమాల కోసం పవన్ తన సినిమా రిలీజ్ డేట్ ను త్యాగం చేశారు. భీమ్లా నాయక్ నిర్మాత నాగవంశీ పవన్ అభిమానులకు క్షమాపణలు చెప్పి కూల్ చేశారు.

సాధారణంగా సంక్రాంతి పండుగకు ఎన్ని సినిమాలు విడుదలైనా టాక్ తో సంబంధం లేకుండా కలెక్షన్లు వస్తాయి. మరోవైపు ఏపీలో అధికారంలో ఉన్న జగన్ సర్కార్ భీమ్లా నాయక్ విడుదలైన సమయంలో ఆ సినిమాను టార్గెట్ చేసే ఛాన్స్ ఉందని పవన్ ఫ్యాన్స్ అనుమానిస్తున్నారు. పవన్ సినిమా రిలీజ్ సమయంలో ఏపీలో ఇబ్బందులు ఎదురైతే ఆదుకుంటారా? అంటూ పవన్ ఫ్యాన్స్ ఆర్ఆర్ఆర్, రాధేశ్యామ్ మేకర్స్ ను, దిల్ రాజును ప్రశ్నిస్తున్నారు.

శివరాత్రికి విడుదలై భీమ్లా నాయక్ కు హిట్ టాక్ వచ్చినా వీక్ డేస్ లో ఈ సినిమా భారీస్థాయిలో కలెక్షన్లను సాధించడం సులువు కాదు. సంక్రాంతి సినిమాలకు అదనపు షోలు, అదనపు టికెట్ల విషయంలో అనుమతులు వచ్చినా భీమ్లా నాయక్ కు మాత్రం అలాంటి అనుమతులు వచ్చే ఛాన్స్ అయితే లేదు. ప్రస్తుతం సినిమాను వాయిదా వేయించిన పెద్దలు ఆ సమయంలో నోరు మెదుపుతారో లేదో చూడాల్సి ఉంది.

భీమ్లా నాయక్ మూవీ రిలీజ్ సమయంలో ఏపీ ప్రభుత్వం ఏ విధంగా వ్యవహరిస్తుందో చూడాల్సి ఉంది. అయ్యప్పనుమ్ కోషియమ్ రీమేక్ గా తెరకెక్కిన ఈ సినిమాపై భారీస్థాయిలో అంచనాలు ఏర్పడ్డాయి. పవన్ కు జోడీగా ఈ సినిమాలో నిత్యామీనన్ నటించారు. త్వరలో భీమ్లా నాయక్ మూవీ థియేట్రికల్ ట్రైలర్ రిలీజ్ కానుంది. రానా ఫ్యాన్స్ కూడా ఈ సినిమా కోసం ఆసక్తిగా ఎదురుచూస్తున్నారు. పవన్ పోలీస్ ఆఫీసర్ రోల్ లో నటించిన సినిమా కావడంతో ఈ సినిమాపై అంచనాలు పెరిగాయి.

పుష్ప: ది రైజ్ సినిమా రివ్యూ & రేటింగ్!

Most Recommended Video

‘పుష్ప’ చిత్రంలో ఆకర్షించే అంశాలు..!
‘అంతం’ టు ‘సైరా’.. నిరాశపరిచిన బైలింగ్యువల్ సినిమాల లిస్ట్..!
పవర్ ఆఫ్ పబ్లిక్ సర్వెంట్ అంటే చూపించిన 11 మంది టాలీవుడ్ స్టార్లు..!