రేర్ ఫీట్ కు.. కొద్ది దూరంలో పవన్, మహేష్ అభిమానులు…!

పవన్ కళ్యాణ్, మహేష్ బాబు ల ఫ్యాన్ ఫాలోయింగ్ గురించి ప్రత్యేకంగా చెప్పనవసరం. ఎన్ని ఫ్లాప్ లు పడినా.. వీళ్ళ ఫ్యాన్ ఫాలోయింగ్ చెక్కు చెదరదు అనడంలో సందేహం లేదు. ఒక్క హిట్టు కొట్టారంటే.. అది అప్పటి వరకూ పడ్డ ఫ్లాప్ లను మరిపించడమే కాకుండా.. సరికొత్త రికార్డులు క్రియేట్ చేస్తుంది అనడంలో కూడా సందేహం లేదు. సోషల్ మీడియాలో కూడా పవన్, మహేష్ ల ఫ్యాన్స్ మధ్యలో పోటీ వాతావరణం నెలకొంటుంది. అయితే ఈ ఇద్దరు అభిమానులు కూడా .. పవన్, మహేష్ కాంబినేషన్లో మల్టీ స్టారర్ ఎప్పుడు వస్తుందా? అని ఎంతో ఆసక్తిగా ఎదురుచూస్తున్నారు.

ఇటీవల పవన్ కళ్యాణ్ పుట్టినరోజున.. మహేష్ బాబు విషెష్ చెబుతూ ట్వీట్ పెట్టడంతో… దాని పై ఆశ వీరికి మరింత పెరిగిందనే చెప్పాలి. అయితే మంచి స్క్రిప్ట్ దొరికితే అది అసాధ్యమేమీ కాదు లెండి. ఇదిలా ఉండగా.. ఇప్పుడు ఓ అరుదైన రికార్డుని పవన్ కళ్యాణ్ ఫ్యాన్స్ బద్దలుకొడతారా? లేక మహేష్ బాబు ఫ్యాన్స్ బద్దలు కొడతారా అనే ఉత్కంఠత నెలకొంది. విషయం ఏమిటంటే.. పవన్ కళ్యాణ్ తదుపరి చిత్రం ‘వకీల్ సాబ్’ హ్యాష్ ట్యాగ్ తో ఇప్పుడు ట్విట్టర్లో 75 మిలియన్ల ట్వీట్లు నమోదయితే,

మహేష్ బాబు ‘సర్కారు వారి పాట’ హ్యాష్ ట్యాగ్ తో 80మిలియన్ల ట్వీట్లు నమోదయ్యాయి. చెప్పాలంటే ఇవి మామూలు రికార్డులు కాదు. అయితే ఈ రెండు సినిమాల హ్యాష్ ట్యాగ్ లలో ఏది ముందు 100 మిలియన్ల ట్వీట్స్ తో రికార్డు సృష్టిస్తుంది అనేదాని పై ఇప్పుడు అందరిలోనూ ఆసక్తి నెలకొంది. చూడాలి మరి .. ఆ రికార్డు పవన్ ఫ్యాన్స్ క్రియేట్ చేస్తారా లేక మహేష్ ఫ్యాన్స్ క్రియేట్ చేస్తారా.. అనేది..!

Most Recommended Video

ఇప్పటవరకూ ఎవరు చూడని యాంకర్ లాస్య రేర్ ఫోటో గ్యాలరీ!
సినిమాకి.. సినిమాకి మధ్య ఎక్కువ గ్యాప్ తీసుకున్న టాలీవుడ్ హీరోలు వీళ్ళే?
బిగ్‌బాస్ 4 కంటెస్టెంట్స్ గురించి మీకు తెలియని ఆసక్తికరమైన విషయాలు!