రేణుకి పవన్ అభిమాని వార్నింగ్

కొంతకాలంగా సోషల్ మీడియా వేదికపై పవన్ కల్యాణ్ మాజీ భార్య రేణు దేశాయ్, పవన్ కళ్యాణ్ అభిమానులకు మధ్య మాటల యుద్ధం జరుగుతోంది. రీసెంట్ రేణు దేశాయ్ పోస్ట్ చేసిన “డాలర్- ఏ ఫిగర్ ఆఫ్ స్పీచ్” అనే కవిత ఈ వార్ ని మరింత పెంచింది. ఇందులో పవన్ పేరు ప్రస్తావించక పోయినా.. అతని వల్లే తన హృద‌యం ముక్కలయిందని, రాసుకున్న లేఖ‌ల కాగిత‌పు ముక్క‌లు మాత్ర‌మే మిగిలాయంటూ చెప్పడం.. పవన్ ఫ్యాన్స్ కి ఆగ్రహాన్ని తెప్పించింది. దీంతో అభిమాని రేణుకి వార్నింగ్ ఇచ్చాడు. “మీ వల్ల పవన్ కల్యాణ్ రాజకీయంగా టార్గెట్ అవుతున్నారు.

పూర్తి అవగాహన లేకుండా మీరు చేస్తున్న కామెంట్లను మీడియా హైలెట్ చేస్తోంది. మీ పని మీరు చేసుకుంటూ సంతోషంగా ఉండండి. కల్యాణ్ సార్ గురించి ఎలాంటి పోస్టులూ షేర్ చేయవద్దు” అని హెచ్చరించారు. దీంతో ఆ అభిమానిపై రేణూ సీరియస్ అయ్యారు. “నిజంగానా? నాకు సంబంధించి నేను రాసుకున్న కవిత వల్ల ఆయన ఎందుకు `టార్గెట్‌` అవుతారు. నా సోషల్ మీడియా ఖాతాలో జోలికి రాకుండా మీ పని మీరు చూసుకోండి. సోషల్ మీడియాలో నా పోస్టుల గురించి ఇలా సంస్కార హీనంగా స్పందించకండి” అని సమాధానం ఇచ్చారు. చూస్తుంటే ఈ వార్ ఇప్పట్లో చల్లారేటట్టు లేదు.