అలీ పై ఫైరయిన పవన్ కళ్యాణ్..!

పవన్ కళ్యాణ్ – అలీ… వీరి స్నేహబంధం గురించి ప్రత్యేకంగా చెప్పనక్కర్లేదు. ‘తొలిప్రేమ’ చిత్రం దగ్గర్నుండీ… పవన్ కళ్యాణ్ ప్రతీ సినిమాలోనూ అలీ ఉండేవాడు. ‘బాలు’ ‘అన్నవరం’ వంటి చిత్రాల్లో అలీకి పాత్ర లేకపోయినా.. ఓ పాటలో వచ్చి వెళ్ళేలా బలవంతంగా ఇరికించారు పవన్ కళ్యాణ్. అయితే ఇది అప్పటి మాట..! ఇప్పటి పరిస్థితి పూర్తిగా మారిపోయింది కాదు. ‘అజ్ఞాతవాసి’ సినిమాలో అలీ లేడు. నిజానికి అప్పటినుండీ వీరిద్దరికి ఎధోజరిగిందనే అనుమానాలు వ్యక్తమయ్యాయి. ఇక .. పవన్ స్థాపించిన ‘జనసేన’ పార్టీని కాదని ఇటీవల అలీ వైసిపీ పార్టీలో జాయినవ్వడంతో ఆ అనుమానాలు మరింత బలపడ్డాయి.దీంతో అలీని ప్రశ్నించగా ‘పవన్ కళ్యాణ్ గారు… నన్ను పిలువలేదు… పిలిచి నన్ను ఇబ్బంది పెట్టడం ఇష్టం లేక… ఇలా నన్ను పార్టీకి దూరం పెట్టారు’ అంటూ అందరికీ అలీ పెద్ద బిస్కట్ వేసాడని రాజమండ్రిలో పవన్ కళ్యాణ్ స్పీచ్ వింటే అర్థమవుతుంది.

• మజిలీ రివ్యూ కోసం ఇక్కడ క్లిక్ చెయ్యండి 
• లక్ష్మీస్ ఎన్టీఆర్  రివ్యూ కోసం ఇక్కడ క్లిక్ చెయ్యండి    
• సూర్యకాంతం రివ్యూ కోసం ఇక్కడ క్లిక్ చెయ్యండి  
• ఫ్రేమకథా చిత్రం 2  రివ్యూ కోసం ఇక్కడ క్లిక్ చెయ్యండి

ఎన్నికల ప్రచారంలో భాగంగా పవన్ కళ్యాణ్ రాజమండ్రిలో ఏర్పాటు చేసిన మీటింగ్లో మాట్లాడుతూ.. “ఆలీకి సమాజం పై చాలా వేదన ఉంటుంది. రండి బ్రదర్ కలిసి ఎమన్నా చేద్దాం రండి అంటే … ఈ లోపు ఆలీ గారికి మరేం మనసుమారిందో తెలీదు. సడన్ గా వైసిపీ లో జాయిన్ అయ్యాడు. అలీ పరిచయం చేసిన వ్యక్తికి నేను ఎంపీ టిక్కెట్టు ఇస్తే… అయన వెళ్ళి వైసిపీ కి ప్రచారం చేస్తున్నాడు. మీరు ఎందుకు ఇన్ని డ్రామాలు. అంటే తన భయం ఏంటంటే.. పవన్ కళ్యాణ్ గెలవాడు అనుమానం… జగన్ గెలుస్తాడు అనే నమ్మకం. స్నేహమంటే ఇదేనా. అందుకే నేను అందరినీ నమ్మను… మిమ్మల్నే నమ్ముతాను” అంటూ తన ఆవేదన వ్యక్తం చేసాడు పవన్ కళ్యాణ్. దీంతో ఇప్పుడు అలీ పై సోషల్ మీడియాలో ఓ రేంజ్లో ట్రోలింగ్ జరుగుతుంది.