శృతిహాసన్ తో ఇబ్బంది పడుతున్న పవన్ కళ్యాణ్

మల్టీ ట్యాలెంటెడ్ గర్ల్ శృతిహాసన్ పవర్ స్టార్ పవన్ కళ్యాణ్ ని ఇబ్బంది పెడుతుందా? , తన ప్రవర్తనతో పవన్ కి కోపం తెప్పిస్తుందా? .. అవుననే అంటున్నాయి టాలీవుడ్ వర్గాలు. డాలీ దర్శకత్వంలో తెరకెక్కుతున్న ‘కాటమరాయుడు” సినిమాలో పవన్, శృతిహాసన్ మరో సారి జంటగా నటిస్తున్నారు. అనేక సార్లు వాయిదా పడిన తర్వాత ఆలస్యంగా పట్టాలెక్కిన ఈ చిత్రాన్ని వేగంగా కంప్లీట్ చేయాలనీ పవర్ స్టార్ భావిస్తున్నారు. అయితే ఈ మూవీ షూటింగ్ కి తరచూ శృతిహాసన్ లేటుగా వస్తుందంట. దీంతో ఆమె కోసం యూనిట్ తో పవన్ కూడా ఎదురుచూడాల్సి వస్తోందని సమాచారం.

ఒక సారి కాదు, రెండు సార్లు కాదు, ప్రతి రోజు ఇదే రిపీట్ అవుతుండడంతో పవన్ ఆమెపై కోపంగా ఉన్నట్లు తెలిసింది. తమిళంలో ఘన విజయం సాధించిన వీరమ్ కి రీమేక్ అయిన ఈ మూవీలో పవన్ ఫ్యాక్షన్ లీడర్ గా కనిపించనున్నారు. ఆయనకు తమ్ముళ్లుగా అజయ్, శివబాలాజీ, కమల్ కామరాజులు నటిస్తున్నారు. దీపావళి రోజు రిలీజ్ అయిన కాటమరాయుడు ఫస్ట్ లుక్ సినిమాపై అంచనాలను పెంచేసింది. నార్త్ స్టార్ ఎంటర్టైన్మెంట్ పతాకంపై శరత్ మరార్ నిర్మిస్తోన్న కాటమరాయుడు ఉగాది కానుకగా థియేటర్లలోకి రానుంది.

Also, do SUBSCRIBE to our YouTube channel to get latest Tollywood updates.