Pawan Kalyan: ఆ ప్రాజెక్ట్ ఇప్పట్లో మొదలయ్యే అవకాశం లేదా?

పవర్ స్టార్ పవన్ కళ్యాణ్ ప్రస్తుతం వరుస ప్రాజెక్ట్ లతో బిజీగా ఉన్న సంగతి తెలిసిందే. 2023 సంవత్సరం సమ్మర్ నాటికి హరిహర వీరమల్లును పూర్తి చేయనున్న పవన్ మరో మూడు ప్రాజెక్ట్ లలో నటించనున్నారని సమాచారం. సుజిత్, హరీష్ శంకర్, సముద్రఖని డైరెక్షన్ లో పవన్ సినిమాలు తెరకెక్కనున్నాయి. అయితే మొదట మొదలవుతుందని ప్రచారం జరిగిన సముద్రఖని ప్రాజెక్ట్ మరింత ఆలస్యం కానుందని సమాచారం. పవన్ కళ్యాణ్ ఈ మూడు ప్రాజెక్ట్ లను కచ్చితంగా పూర్తి చేస్తానని నిర్మాతలకు హామీ ఇచ్చినట్టు తెలుస్తోంది.

అయితే 2024 ఎన్నికల ముందు ఈ ప్రాజెక్ట్ లు రిలీజవుతాయో లేక 2024 ఎన్నికల తర్వాత ఈ ప్రాజెక్ట్ లు విడుదలవుతాయో స్పష్టత రావాల్సి ఉంది. పవన్ కళ్యాణ్ ఒక్కో సినిమాకు ప్రస్తుతం 60 కోట్ల రూపాయల స్థాయిలో రెమ్యునరేషన్ ను అందుకుంటున్నారనే సంగతి తెలిసిందే. పవన్ కళ్యాణ్ రాబోయే రోజుల్లో కొత్త ప్రాజెక్ట్ లను ప్రకటించనున్నారని సమాచారం. పవన్ రాజమౌళి కాంబినేషన్ లో ఒక సినిమా తెరకెక్కాలని ఫ్యాన్స్ భావిస్తుండగా రాబోయే రోజుల్లో అయినా ఈ కాంబినేషన్ లో సినిమా వస్తుందేమో చూడాల్సి ఉంది.

పవన్ కళ్యాణ్ ఏడాదికి ఒక సినిమా రిలీజ్ అయ్యేలా ప్లాన్ చేసుకోవాలని ఫ్యాన్స్ కోరుకుంటున్నారు. రీఎంట్రీలో పవన్ సినిమాలన్నీ సక్సెస్ సాధిస్తున్నాయి. క్రిష్ డైరెక్షన్ లో తెరకెక్కిన సినిమాలలో మెజారిటీ సినిమాలు సక్సెస్ సాధించిన నేపథ్యంలో హరిహర వీరమల్లు మూవీ కూడా ఆ మ్యాజిక్ ను రిపీట్ చేయాలని ఫ్యాన్స్ కోరుకుంటున్నారు.

పాన్ ఇండియా ప్రాజెక్ట్ గా ఈ సినిమా తెరకెక్కుతుండగా ఈ సినిమా అంచనాలను మించి సక్సెస్ ను సొంతం చేసుకోవడంతో పాటు ఎన్నో రికార్డులను క్రియేట్ చేసి ప్రేక్షకుల మెప్పు పొందుతుందని ఫ్యాన్స్ భావిస్తున్నారు.

లవ్ టుడే సినిమా రివ్యూ& రేటింగ్!
తోడేలు సినిమా రివ్యూ & రేటింగ్!

ఇట్లు మారేడుమిల్లి ప్రజానీకం సినిమా రివ్యూ & రేటింగ్!
ఇప్పటి వరకు బాలయ్య పేరుతో వచ్చిన పాటలు ఇవే..