Pawan Kalyan, Harish Shankar: పవన్ ప్రశ్నించబోతున్నాడా..?

July 7, 2021 / 06:35 PM ISTByFilmy Focus

Join Us

Pawan Kalyan, Harish Shankar: పవన్ ప్రశ్నించబోతున్నాడా..?

గతంలో పవన్ కళ్యాణ్-హరీష్ శంకర్ కాంబినేషన్ లో వచ్చిన ‘గబ్బర్ సింగ్’ సినిమా రికార్డులు సృష్టించింది. పవన్ అభిమానులు తెరపై ఆయన్ను ఎలా చూడాలనుకున్నారో హరీష్ శంకర్ అలానే ప్రెజంట్ చేశారు. ఆ తరువాత పవన్ కళ్యాణ్ నుండి ఆ రేంజ్ లో మాస్ ఎలివేషన్స్ ఉన్న సినిమా రాలేదనే చెప్పాలి. ఇప్పుడు మరోసారి పవన్ కళ్యాణ్ తో సినిమా తీయడానికి రెడీ అవుతున్నాడు హరీష్ శంకర్. అయితే ఈసారి ఎంటర్టైన్మెంట్ మాత్రమే కాదు..

అటూ కాన్సెప్ట్ పోస్టర్లోనే చెప్పేశాడు దర్శకుడు. అంటే ఎంటర్టైన్మెంట్ తో పాటు మెసేజ్ కూడా ఇవ్వబోతున్నారు. ఆ మెసేజ్ ఏంటో తెలుసుకోవాలనే ఆసక్తి అభిమానుల్లో నెలకొంది. పవన్ రాజకీయాల్లో బిజీగా ఉన్నాడు కాబట్టి ఈ కథలో పొలిటికల్ డ్రామా మిక్స్ చేసే అవకాశం ఉండనే ఊహాగానాలు ఎక్కువయ్యాయి. నిజానికి ఈ సినిమాలో పాలిటిక్స్ ఏమాత్రం కనిపించవట. ఈసారి విద్యావ్యవస్థపై సెటైర్ వేయబోతున్నారట. అది కూడా రాజీకీయాలకు అతీతంగా అని తెలుస్తోంది.

పవన్ పాత్రలో రెండు కోణాలుంటాయని.. ఓ కోణంలో పవన్ పాత్ర చాలా జోవియల్ గా ఉంటుందని.. మరో కోణంలో పవన్ పాత్ర ప్రశ్నించడం మొదలెడుతుందని టాక్. ఇదంతా కూడా విద్యావ్యవస్థను టార్గెట్ చేసే కోణంలో సాగుతుందని సమాచారం. కొన్ని సన్నివేశాల్లో తెలుగు భాష గొప్పదనాన్ని.. సంస్కృతి విశిష్టతను చెప్పబోతున్నారట. మరి ఈ కథతో ఎలాంటి హిట్ అందుకుంటారో చూడాలి!