ప్రసంగం ఇచ్చేందుకు బోస్టన్ వెళ్లిన పవన్ కళ్యాణ్

జనసేన పార్టీ అధ్యక్షుడు, పవర్ స్టార్ పవన్ కళ్యాణ్ నిన్న రాత్రి బోస్టన్ కి పయనం అయ్యారు. డాలీ దర్శకత్వంలో తెరకెక్కుతోన్న కాటమరాయుడు షూటింగ్ కి వారం రోజుల పాటు బ్రేక్ ఇచ్చిన్నట్లు తెలిసింది. బోస్టన్ లోని హార్వర్డ్ యూనివర్సిటీలో జరగనున్న ఇండియా కాన్ఫెరెన్స్ 2017లో పాల్గొని విద్యార్థులను ఉద్దేశించి మాట్లాడాలని గతనెలలో పవన్ కి ఆహ్వానం అందింది. అందుకు సై అని చెప్పిన పవన్ తన పార్టీ, సినిమా పనులను పక్కన పెట్టి బయలుదేరి వెళ్లారు.  ఫిబ్రవరి 11న జరగనున్న ఈ సభలో పవన్ కళ్యాణ్ మాట్లాడుతారు. ఈ రెండు రోజుల పాటు అక్కడ నున్న అభిమానులతో సమావేశాలను నిర్వహించనున్నారు. జనసేన పార్టీ విధానాల గురించి అధినేత ఫ్యాన్స్ తో పంచుకోనున్నట్లు తెలిసింది.

హార్వర్డ్ యూనివర్సిటీలో ప్రసంగం అనంతరం కూడా రెండు రోజులో బోస్టన్ లోనే ఉండనున్నట్లు పవన్ సన్నిహితులు చెప్పారు. అనంతరం తిరిగి వచ్చి కాటమరాయుడు చివరి షెడ్యూల్ లో పాల్గొననున్నారు. శరత్ మరార్ నిర్మిస్తున్న ఈ మూవీ టీజర్ దశలోనే రికార్డు సృష్టించింది. 5 మిలియన్ వ్యూస్ మార్క్ ని దాటి పరుగులు పెడుతోంది. మార్చి 24 రానున్న ఈ మూవీ కోసం పవర్ స్టార్ ఫ్యాన్స్ కోసం ఎదురుచూస్తున్నారు.

Also, do SUBSCRIBE to our YouTube channel to get latest Tollywood updates.