మహేష్ సినిమాలో పవన్ కళ్యాణ్ గెస్ట్ రోల్ అట..!

టాలీవుడ్ లో పవర్ స్టార్ పవన్ కళ్యాణ్, సూపర్ స్టార్ మహేష్ బాబులకు ఉన్న ఫ్యాన్ ఫాలోయింగ్ గురించి మాటల్లో చెప్పలేము. పవన్ కళ్యాణ్ నటించిన 10సినిమాలు ప్లాప్ అయినా.. ఆ సినిమాలకు భారీ ఓపెనింగ్స్ నమోదవ్వడం ఆగవు. ఇక మహేష్ బాబుకి 10 ప్లాప్ లు వచ్చినా.. ఆయన క్రేజ్ ఏమాత్రం తగ్గదు. అంతటి లాయల్ ఫ్యాన్స్ వీరికి మాత్రమే ఉన్నారు అనడంలో అతిశయోక్తి కూడా లేదు. ఇక వీరిద్దరి కాంబినేషన్లో ఓ మల్టీ స్టారర్ వస్తే చూడాలని చాలా మంది ఆశ పడుతున్నారు.

అందుకే వీరిద్దరూ కలిసినటిస్తారు అనే కథనాలు ఎక్కువగా పుట్టుకొస్తూ ఉంటాయి. గతంలో ‘కాటమరాయుడు’ చిత్రంలో మహేష్ బాబు గెస్ట్ రోల్ ఇస్తున్నాడు అంటూ వార్తలు వచ్చిన సంగతి తెలిసిందే. అదే విధంగా ఇప్పుడు మహేష్ బాబు హీరోగా నటిస్తున్న ‘సర్కారు వారి పాట’ చిత్రంలో పవన్ కళ్యాణ్ గెస్ట్ రోల్ లో కనిపించబోతున్నట్టు వార్తలు మొదలయ్యాయి.ఇందులో నిజమెంత అని పవన్ కళ్యాణ్ సన్నిహితులను ఆరా తియ్యగా.. అవన్నీ గాసిప్సే అని తేల్చి పడేసారు.

అయితే ఈ రూమర్స్ కు కారణం ఏంటి అని ‘సర్కారు వారి పాట’ టీం ను అడిగితే.. ఈ చిత్రంలో ఓ పెద్ద హీరోకి సూట్ అయ్యే.. చిన్న పాత్ర ఉన్న విషయం నిజమే అన్నట్టు చెప్పుకొచ్చారు. అయితే అది ఓ సీనియర్ హీరోతోనో లేదా పరభాషా హీరోతోనో చేయించాలని చిత్ర యూనిట్ సభ్యులు భావిస్తున్నట్టు తెలిపారు. ఇంకో విషయంఏమిటంటే .. ఆ పాత్ర కనుక సినిమాకి బరువుగా మారుతుంది అనుకుంటే.. దానిని తొలగించినా ఆశ్చర్యం లేదు అని కూడా వారు చెబుతున్నారు. చూడాలి మరి చివరికి ఏం జరుగుతుందో..!

Most Recommended Video

బిగ్గెస్ట్ బ్లాక్ బస్టర్ మూవీస్ ను రిజెక్ట్ చేసిన రాజశేఖర్..!
టాలీవుడ్లో సొంత జెట్ విమానాలు కలిగిన హీరోలు వీళ్ళే..!
ఈ 25 మంది హీరోయిన్లు తెలుగు వాళ్ళే .. వీరి సొంత ఊర్లేంటో తెలుసా?