Janhvi Kapoor: పవన్ కళ్యాణ్ మూవీతో డెబ్యూ.. మిస్ చేసుకున్న జాన్వీ కపూర్

తాజాగా పెద్ది ట్రైలర్ రిలీజ్ అయ్యింది. కొద్దిసేపటికే వైరల్ గా మారింది. ప్రస్తుతం యూట్యూబ్లో నెంబర్ 1 ప్లేస్లో ట్రెండ్ అవుతోంది. ట్రైలర్ ఎలా ఉంది అనే అంశం పై సోషల్ మీడియాలో రకరకాల అభిప్రాయాలు వ్యక్తమవుతున్నాయి.

Janhvi Kapoor

సోషల్ మీడియాలో అయితే ‘పెద్ది’ ట్రైలర్ గురించి బోలెడన్ని మీమ్స్ వస్తున్నాయి. అందులో కొన్ని పాజిటివ్ గా ఉంటే.. మరికొన్ని మిక్స్డ్ గా ఉంటున్నాయి. అయితే ‘పెద్ది’ ట్రైలర్ విషయంలో ఎక్కువగా హాట్ టాపిక్ అవుతుంది హీరోయిన్ జాన్వీ కపూర్(Janhvi Kapoor) అనే చెప్పాలి.

ఎందుకంటే ‘పెద్ది’ ట్రైలర్లో ఆమె గ్లామర్, బాడీ లాంగ్వేజ్ అన్నీ ఊర మాస్ గా ఉండటమే అని చెప్పాలి. అలాగే జాన్వీ పలికిన డైలాగులు అస్సలు అర్ధం కాకుండా ఉన్నాయి అనేది కూడా కొందరి వాదన.ఇదిలా ఉంటే.. ‘పెద్ది’ విషయంలో జాన్వీ కపూర్ గురించి ఓ ఇంట్రెస్టింగ్ న్యూస్ ఇప్పుడు వైరల్ గా మారింది అని చెప్పాలి. అదేంటంటే.. జాన్వీ కపూర్ టాలీవుడ్..కి డెబ్యూ ఇచ్చింది ‘దేవర’ సినిమాతో అని అంతా అనుకుంటున్నారు. కానీ వాస్తవానికి ‘పెద్ది’ సినిమాకే జాన్వీ కపూర్ ముందుగా సైన్ చేసింది అనే విషయం ఎక్కువమందికి తెలీదు.

సో టెక్నికల్ గా చూసుకుంటే.. ‘పెద్ది’ సినిమానే జాన్వీకి డెబ్యూ మూవీ అనుకోవాలి. కానీ అంతకు ముందు కూడా జాన్వీకి ఓ టాలీవుడ్ బడా మూవీలో ఛాన్స్ వచ్చిందట. అది కూడా పవన్ కళ్యాణ్ మూవీ కావడం విశేషం. అయితే జాన్వీని ఆ సినిమా నుండి చివరి నిమిషంలో తప్పించారు. ఇంతకీ ఏ మూవీ అది అనుకుంటున్నారా? పవన్ కళ్యాణ్ నటించిన ‘వకీల్ సాబ్’ సినిమా. అవును మీరు వింటున్నది నిజమే.. ‘వకీల్ సాబ్’ సినిమాలో నివేదా థామస్ పాత్ర కోసం ముందుగా జాన్వీ కపూర్ ని అనుకున్నారట.

కానీ చివరి నిమిషంలో జాన్వీ తప్పుకున్నట్టు తెలుస్తోంది. జాన్వీ కపూర్ తండ్రి బోణీ కపూర్ నిర్మించిన ‘పింక్’ సినిమాకి రీమేక్ గా ‘వకీల్ సాబ్’ రూపొందిన సంగతి తెలిసిందే. ‘వకీల్ సాబ్’ సినిమాకి నిర్మాణ భాగస్వామిగా కూడా బోణీ కపూర్ వ్యవహరించారు.

ఆ యాక్సిడెంట్లో అకీరా చెయ్యి విరిగింది.. తప్పు ఎవరిది?