పవర్ స్టార్ పవన్ కళ్యాణ్ ప్రస్తుతం వరుస సినిమాలతో ఎంతో బిజీగా ఉన్నారు. ఈయన రీఎంట్రీ తర్వాత నటించిన వకీల్ సాబ్, భీమ్లా నాయక్ సినిమాలు మంచి హిట్ కావడంతో పవన్ కళ్యాణ్ వరుస ప్రాజెక్టులకు గ్రీన్ సిగ్నల్ ఇచ్చారు. అయితే ఈ సినిమాలన్నీ కూడా భారీ బడ్జెట్ సినిమాలు కావడం విశేషం. ప్రస్తుతం ఈయన క్రిష్ దర్శకత్వంలో తెరకెక్కుతున్న హరిహర వీరమల్లు సినిమా షూటింగ్ తో బిజీగా ఉన్నారు.
అయితే ఈయన హరీష్ శంకర్ దర్శకత్వంలో మరో సినిమా కూడా ప్రకటించినప్పటికీ ఈ సినిమా ఇప్పుడప్పుడే సెట్స్ పైకి వెళ్లే సూచనలు మాత్రం కనబడటం లేదు. వచ్చే సార్వత్రిక ఎన్నికలలో భాగంగా పవన్ కళ్యాణ్ పూర్తిగా రాజకీయాల వైపు ఆసక్తి కనపరచడంతో ఈయన కమిట్ అయిన సినిమాలు ఆలస్యం అవుతున్నాయి. ఇప్పటికే ఈయన గ్రీన్ సిగ్నల్ ఇచ్చిన సినిమాలు సెట్స్ పైకి వెళ్లలేని పరిస్థితి ఉన్న నేపథ్యంలో మరోసారి ఈయన కొత్త సినిమాకు సంబంధించిన ఓ వార్త సోషల్ మీడియాలో వైరల్ అవుతుంది. పవన్ కళ్యాణ్ కొణిదెలప్రొడక్షన్స్ లో కొత్త సినిమా చేయబోతున్నారంటూ ఓ వార్త నెట్టింట వైరల్ అవుతుంది.
అయితే ఈ సినిమాకు పవన్ కళ్యాణ్ రీ ఎంట్రీ తర్వాత సూపర్ హిట్ ఇచ్చినటువంటి వకీల్ సాబ్ డైరెక్టర్ వేణు శ్రీరామ్,భీమ్లా నాయక్ డైరెక్టర్ సాగర్ కే చంద్ర ఇద్దరు కూడా పవన్ కళ్యాణ్ కోసం అద్భుతమైన స్క్రిప్ట్ సిద్ధం చేసుకుని ఉన్నారని తెలుస్తోంది.ఈ క్రమంలోనే వీరిద్దరిలో ఒకరితో పవన్ కళ్యాణ్ కొణిదెల బ్యానర్ లో సినిమా చేసే అవకాశాలు ఉన్నట్లు వార్తలు వస్తున్నాయి. ఇక వీరిద్దరిలో సాగర్ కె చంద్ర స్టోరీ లైన్ చాలా ఎఫెక్టివ్ గా ఉండడంతో పవన్ కళ్యాణ్ భీమ్లా నాయక్ డైరెక్టర్ కి మరోసారి అవకాశం ఇవ్వబోతున్నారని తెలుస్తోంది.
ఇలా పవన్ కళ్యాణ్ కొత్త ప్రాజెక్ట్ గురించి ఇలాంటి వార్తలు రావడంతో ఫ్యాన్స్ ఖుషి అయినప్పటికీ అసలు ఇది సాధ్యమయ్యే పనేనా అంటూ మరికొందరు సందేహం వ్యక్తం చేస్తున్నారు. ఒకవైపు హరిహర వీరుమల్లు షూటింగ్ ఆలస్యం అయింది, అలాగే హరీష్ శంకర్ భవదీయుడు భగత్ సింగ్ సినిమా పూర్తిగా తప్పుకుందన్న వార్తలు వస్తున్న నేపథ్యంలో పవన్ కళ్యాణ్ కొత్త సినిమా గురించి వార్తలు రావడంతో అభిమానులు సైతం సందేహం వ్యక్తం చేస్తున్నారు.
Most Recommended Video
భూమా మౌనిక కు ఆల్రెడీ పెళ్లయిందా?
బిగ్ బాస్ కంటెస్టెంట్ రేవంత్ గురించి 10 ఆసక్తికరమైన విషయాలు..!
ఛార్మి మాత్రమే కాదు నిర్మాతలయ్యి భారీగా నష్టపోయిన హీరోయిన్ల లిస్ట్..!
