పవన్ కళ్యాణ్ ప్లానింగ్ మళ్ళీ మారబోతుందా.. మరి క్రిష్ సినిమా?

పవన్ కళ్యాణ్ ఇప్పటికే 3 ప్రాజెక్ట్ లు అనౌన్స్ చేసాడు. అందులో ‘పింక్’ రీమేక్ గా రూపొందుతోన్న ‘వకీల్ సాబ్’ ఇప్పటికే 70 శాతం పైనే షూటింగ్ ను పూర్తిచేసుకుంది. వేణు శ్రీరామ్ డైరెక్ట్ చేస్తున్న ఈ చిత్రాన్ని దిల్ రాజు, బోణి కపూర్ కలిసి నిర్మిస్తున్నారు. ఇక ఈ ప్రాజెక్ట్ తరువాత క్రిష్ డైరెక్షన్లో ఓ సినిమా, హరీష్ శంకర్ డైరెక్షన్లో ఓ సినిమా పవన్ కళ్యాణ్ చెయ్యాల్సి ఉంది.

అయితే అనూహ్యంగా పవన్ ‘అయ్యప్పన్ కొషియం’ రీమేక్ లో నటించబోతున్నాడు అంటూ ప్రచారం మొదలైంది. ఈ రీమేక్ లో రానా, రవితేజ లు నటించబోతున్నట్టు గతంలో వార్తలు వచ్చాయి. కానీ అధికారిక ప్రకటన రాలేదు. ఈ రీమేక్ కు త్రివిక్రమ్ డైలాగ్స్ రాయబోతున్నట్టు కూడా ప్రచారం జరిగింది. అయితే 60 రోజుల్లో ప్రాజెక్ట్ ఫినిష్ చేసేట్టు అయితే నేను కాల్ షీట్లు ఇస్తాను అని పవన్ ‘సితార ఎంటర్టైన్మెంట్స్’ వారితో చెప్పినట్టు భోగట్టా..! దాంతో వారు కూడా రెండో హీరో కోసం వెతుకులాట మొదలుపెట్టారట.

అయితే ఇక్కడ క్రిష్ ప్రాజెక్ట్ పవన్ పక్కన పెట్టాడా అనే అనుమానాలు కూడా మొదలయ్యాయి. అయితే ఆ ప్రాజెక్ట్ కాస్త ఆలస్యం అయ్యే అవకాశాలు ఉన్నాయని సమాచారం. అందుకే ఈ గ్యాప్ లో ‘అయ్యప్పన్ కొషియం’ కు పవన్ ఓకే చెప్పినట్టు ఇన్సైడ్ టాక్. రేపు పవన్ పుట్టినరోజు కావడంతో ఈ విషయం పై ఓ క్లారిటీ వచ్చే అవకాశం ఉంది.

Most Recommended Video

తన 24 ఏళ్ళ కెరీర్లో పవన్ కళ్యాణ్ రిజెక్ట్ చేసిన సినిమాలు… లిస్ట్ లో చాలా హిట్ సినిమాలు ఉన్నాయి!
34 ఏళ్ళ సినీ కెరీర్ లో ‘కింగ్’ నాగార్జున రిజెక్ట్ చేసిన సినిమాల లిస్ట్..!
మెగాస్టార్ చిరంజీవి కెరీర్లో ఆగిపోయిన సినిమాల లిస్ట్..!