Pawan Kalyan: పవన్‌ కల్యాణ్‌ కొత్త సినిమా షూటింగ్స్‌ లెక్క ఇదీ!

March 25, 2022 / 01:06 PM ISTByFilmy Focus

Join Us

Pawan Kalyan: పవన్‌ కల్యాణ్‌ కొత్త సినిమా షూటింగ్స్‌ లెక్క ఇదీ!

పవన్ కల్యాణ్‌ స్టార్‌ హీరోగా మారే ముందు, మారిన తర్వాత… ఇలా ఎప్పుడు కూడా వరుస సినిమా చిత్రీకరణల్లో పాల్గొన్నది లేదు. ఒకటి తర్వాత ఒకటి అనే కాన్సెప్ట్‌లోనే వెళ్లారు. అంతేకాదు రెండు సినిమాలను ఏక కాలంలో షూట్‌ చేసిందీ లేదు. అయితే ఇప్పుడు పవన్‌ వాటిలో ఓ పని చేస్తున్నారు, మరొకటి చేయబోతున్నారు అంటున్నారు. అవును ఏక కాలంలో రెండు సినిమాల చిత్రీకరణలు జరపాలని పవన్‌ కల్యాణ్‌ నిర్ణయించారట. త్వరలోనే ఈ సినిమా షూటింగ్స్‌ మొదలవుతాయట.

Click Here To Watch NOW

పవన్‌ కల్యాణ్‌ ప్రస్తుత లైనప్‌ చూస్తే… చాలా బిజీగా కనిపిస్తోంది. వరుస సినిమాలు ఓకే చేసేసి, లైన్‌లో పెట్టేసున్నాడు. అయితే అన్నీ అనుకున్నట్లుగా సాగితే వీటికి మిగిలిన ఉన్న సమయం కేవలం రెండేళ్లు మాత్రమే. ఒకవేళ ఏపీలో ముందస్తు ఎన్నికలు వస్తే.. ఆ సమయం ఇంకా తగ్గిపోతుంది. దీంతో వరుసగా సినిమాల షూటింగ్‌లు మొదలుపెట్టేస్తున్నాడు. అంతేకాదు ఇప్పుడు రెండు సినిమాలు ఏక కాలంలో చేస్తాడు అనే టాక్‌ కూడా వినిపిస్తోంది. పవన్‌ లైనప్‌ ప్రకారం చూస్తే… ఇమ్మీడియట్‌గా ‘హరి హర వీరమల్లు’ సినిమా చేయాలి.

చాలా కాలం క్రితమే మొదలైన ఈ సినిమా వివిధ కారణాల వల్ల ఆలస్యమవుతూ వస్తోంది. కరోనా పరిస్థితులు, పవన్‌ ఇతర సినిమాల కారణంగా ‘హరి హర వీరమల్లు’ ఆలస్యమవుతూ వస్తోంది. అయితే ఇక ఈ సినిమాకు డిలే ఉండకూడదని ఆ మధ్య పవన్‌ అనుకున్నారని వార్తలొచ్చాయి. దీని కోసం బల్క్‌గా ఓ 30 రోజులు ఇచ్చి షూటింగ్‌ పూర్తి చేయాలని అనుకున్నారు. ఏప్రిల్‌ మొదటి వారంలో ఈ షూటింగ్‌ స్టార్ట్‌ చేస్తారని తాజా సమాచారం.

అంతేకాదు… దీంతోపాటు తమిళ సినిమా ‘వినోదాయ చిత్తాం’ సినిమా రీమేక్‌ పనులు కూడా స్టార్ట్‌ చేస్తారట. తమిళంలో సముద్రఖని ప్రధాన పాత్రలో రూపొందిన ఈ సినిమాను తెలుగులో పవన్ కల్యాణ్‌ కీలక పాత్రలో తెరకెక్కిస్తారని వార్తలొస్తున్నాయి. ఇందులో హీరోగా సాయితేజ్‌ నటిస్తాడని కూడా అంటున్నారు. త్రివిక్రమ్‌ మాటలు, స్క్రీన్‌ప్లే అందిస్తారని కూడా టాక్‌. ఒకవేళ రెండు సినిమాలు ఒకేసారి మొదలుపెడితే.. పవన్‌ ఫ్యాన్స్‌కి పండగే. ఎందుకంటే రెండు సినిమాలు వెంటవెంటనే వచ్చేస్తాయి కాబట్టి.