ఫ్రెష్ కథతోనే రానున్న పవన్ కళ్యాణ్

పవర్ స్టార్ పవన్ కళ్యాణ్ కి పదేళ్ల తర్వాత గబ్బర్ సింగ్ భారీ విజయాన్ని అందించింది. ఇది హిందీ సినిమా దబాంగ్ కి రీమేక్. దీంతో తాజా కథల కంటే ఒక సారి తెరకెక్కిన కథలపైనే పవన్ ఆసక్తి కనబరుస్తున్నారనే విమర్శలు మొదలయ్యాయి. అందుకు నిదర్శనమే కాటమరాయుడు. తెలుగులో ప్రతిభావంతులైన ఎంతోమంది రచయితలు, దర్శకులు ఉండగా తమిళ మూవీ వీరమ్ ని రీమేక్ చెయ్యడంతో పవన్ అన్నీ రీమేక్ లే చేస్తారనే ముద్రవేశారు. అంతేకాదు మాటల మాంత్రికుడు త్రివిక్రమ్ శ్రీనివాస్ తర్వాత తమిళ దర్శకుడు ఆర్ టీ నేసన్ డైరక్షన్ లో చేయబోయే 26 వ సినిమా కూడా రీమేక్ అని చెబుతున్నారు. ఆ ప్రభావం పవన్ 27 మూవీపై పడింది.

యువ దర్శకుడు సంతోష్ శ్రీనివాస్ (‘కందిరీగ’ ఫేమ్) కూడా ఒకసారి వండిన కథనే వినిపించారని, అందులో నటించడానికి పవన్ ఒప్పుకున్నారని ప్రచారం జోరు అందుకుంది. ఈ వార్తలపై సంతోష్ శ్రీనివాస్ సన్నిహితులు స్పందించారు. పవన్, సంతోష్ కలయికలో వస్తున్న మూవీ రీమేక్ కాదని వారు స్పష్టం చేశారు. దీంతో పవన్ అభిమానులు సంతోషపడ్డారు. ఇంట్రెస్టింగ్ కాంబినేషన్లో మూవీ వచ్చే ఏడాది ద్వితీయార్ధంలో పట్టాలెక్కనుంది.

Also, do SUBSCRIBE to our YouTube channel to get latest Tollywood updates.