పవర్ స్టార్ పవన్ కళ్యాణ్ పోలీస్ ఆఫీసర్ గా చేసిన గబ్బర్ సింగ్ సూపర్ హిట్ సాధించి, అతనికి పూర్వవైభవాన్ని తీసుకొచ్చింది. దీనికి కొనసాగింపుగా సర్దార్ గబ్బర్ సింగ్ చేశారు. అయితే ఈ మూవీ అభిమానుల అంచనాలను అందుకోలేక పోయింది. అయినప్పటికీ మరో మారు పోలీస్ క్యారెక్టర్ లో పవర్ చూపించడానికి సిద్ధమైపోతున్నారు. ప్రస్తుతం పవన్ త్రివిక్రమ్ శ్రీనివాస్ దర్శకత్వంలో ఓ సినిమా చేస్తున్నారు. టైటిల్ ఇంకా ఖరారు చేయని ఈ సినిమాలో పవన్ సాఫ్ట్ వేర్ ఇంజినీర్ గా నటిస్తున్నారు. దీని తర్వాత తమిళ దర్శకుడు ఆర్ టీ నేసన్ దర్శకత్వంలో సినిమా చేయాలి. ఏ.ఎం.రత్నం నిర్మించనున్న ఈ ప్రాజక్ట్ ఆలస్యం అయేట్టు ఉంది.
ఎందుకంటే దర్శకుడు సంతోష్ శ్రీనివాస్ ( కందిరీగ ఫేం) చెప్పిన పోలీస్ స్టోరీ పవన్ కి బాగా నచ్చిందంట. ఆ కథకే గ్రీన్ సిగ్నల్ ఇచ్చినట్లు తెలిసింది. అయితే కేవలం 55 రోజులు మాత్రమే డేట్స్ ఇచ్చారని సమాచారం. అతి తక్కువ రోజుల్లో ఈ చిత్రాన్ని కంప్లీట్ చేసే విధంగా సంతోష్ శ్రీనివాస్ షెడ్యూల్ ప్లాన్ చేస్తున్నారు. మైత్రీ మూవీమేకర్స్ బ్యానర్ వారు నిర్మిస్తున్న మూవీ నవంబర్ నుంచి సెట్స్ పైకి వెళ్లనుంది. మరి ఈ పోలీస్ ఎంతగా నచ్చుతాడో చూడాలంటే కొంతకాలం ఆగాల్సిందే.
Also, do SUBSCRIBE to our YouTube channel to get latest Tollywood updates.
