పవర్ స్టార్ పవన్ కళ్యాణ్ చిరంజీవి సోదరుడిగా సినిమాల్లోకి ఎంట్రీ ఇచ్చి తక్కువ సమయంలోనే మంచి గుర్తింపును సొంతం చేసుకున్నారు. రీమేక్ సినిమాల్లో ఎక్కువగా నటించిన పవన్ కళ్యాణ్ ఆ సినిమాలతో విజయాలను అందుకున్నారు. ఇతర రాష్ట్రాల్లో, విదేశాల్లో సైతం పవన్ కళ్యాణ్ కు వీరాభిమానులు ఉన్నారు. పవన్ పేరుపై వందల సంఖ్యలో అభిమాన సంఘాలు ఉన్నాయి.
యువతలో భారీగా ఫ్యాన్ ఫాలోయింగ్ ఉన్న హీరోలలో పవన్ ఒకరు కాగా పవన్ ఒకవైపు సినిమాల్లో యాక్టివ్ గా ఉంటూనే మరోవైపు రాజకీయాల్లో కూడా బిజీగా ఉన్నారు. అయితే తాజాగా పవన్ అభిమాని ఒకరు పవన్ పై ఉన్న అభిమానాన్ని చాటుకున్నారు. పవన్ అభిమాని తన పెళ్లి కార్డును, పెళ్లి ఫ్లెక్సీను పవన్ ఫోటోతో నింపేశాడు. ఖమ్మం జిల్లాకు చెందిన జిక్కుల శ్రీకాంత్ అనే ఫ్యాన్ ఈ విధంగా చేయడం గమనార్హం.
జనసేన గుర్తుతో పెళ్లి పత్రికను తయారు చేయించి పవన్ అంటే ఎంత అభిమానమో జిక్కుల శ్రీకాంత్ చెప్పకనే చెప్పేశారు. రెండు తెలుగు రాష్ట్రాల్లో పవన్ ఫ్యాన్ చేసిన పని హాట్ టాపిక్ అవుతోంది. పవన్ అభిమానులు జిక్కుల శ్రీకాంత్ కు సోషల్ మీడియా వేదికగా శుభాకాంక్షలు చెబుతున్నారు. పవన్ కళ్యాణ్ ఫోటోలతో శ్రీకాంత్ ఆహ్వాన పత్రికను నింపేశారు. పవన్ ప్రస్తుతం భీమ్లానాయక్ సినిమాతో పాటు హరిహర వీరమల్లు సినిమాలో నటిస్తున్న సంగతి తెలిసిందే. ఈ రెండు సినిమాలు వచ్చే ఏడాది రిలీజ్ కానున్నాయి.
Most Recommended Video
చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!
