ఆ క్రేజీ రీమేక్ పవన్ ఖాతాలోకి వెళ్ళింది..!

మలయాళ హిట్ మూవీ అయ్యప్పనుమ్ కోశియుమ్ రీమేక్ పై కొన్ని నెలలుగా క్రేజీ రూమర్స్ చక్కర్లు కొడుతున్నాయి. ఈ చిత్ర క్యాస్టింగ్ గురించి అనేక క్రేజీ నేమ్స్ వినిపించాయి. కథ ప్రకారం ఈ మూవీలో రెండు ప్రధాన పాత్రలు ఉంటాయి. కాబట్టి ఇద్దరు స్టార్ హీరోలతో నిర్మాత సూర్యదేవర నాగవంశీ ఈ చిత్రాన్ని భారీగా తెరకెక్కించనున్నట్లు వార్తలు రావడం జరిగింది. ప్రముఖంగా బాలకృష్ణ, రానా మరియు వెంకటేష్ వంటి అనేక పేర్లు ఈ సినిమా కోసం వినిపించాయి.

ఐతే ఈ మూవీ చివరకు పవర్ స్టార్ ఖాతాలో వచ్చి చేరినట్లు తెలుస్తుంది. ఈ మూవీ పవన్ చేయడం అధికారికమేనట. అయ్యప్పనుమ్ కోశియుమ్ మూవీలో ప్రధాన పాత్ర పవన్ చేస్తున్నారట. ఇక ఈ మూవీ పవన్ కళ్యాణ్ మిత్రుడు దర్శకుడు త్రివిక్రమ్ సమర్పణలో హారిక అండ్ హాసినీ క్రియేషన్స్ పతాకంపై నిర్మితం కానుందట. ఈ చిత్ర దర్శకునిగా యంగ్ డైరెక్టర్ వెంకీ అట్లూరి వ్యవహరించనున్నారని సమాచారం. సెప్టెంబర్ 2న పవన్ పుట్టినరోజు కానుకగా దీనిపై అధికారిక ప్రకటన రానుందనేది తాజా సమాచారం.

తాజా న్యూస్ తో పవన్ ఫ్యాన్స్ పండుగ చేసుకుంటున్నారు. ఈ ప్రాజెక్ట్ పవన్ కమ్ బ్యాక్ ప్రకటించిన తరువాత నాలుగవది కావడం విశేషం. కొద్దినెలలలో ఆయన నటించిన వకీల్ సాబ్ విడుదల కానుంది. అలాగే రానున్న రెండేళ్లలో పవన్ నుండి వరుసగా మరో మూడు సినిమాలు విడుదల కానున్నాయి. ఎప్పుడూ లేని విధంగా సినిమాలు ప్రకటిస్తూ పవన్ దూసుకు వెళుతున్నాడు.

Most Recommended Video

మొహమాటం లేకుండా తమ సినిమాలు ప్లాప్ అని ఒప్పుకున్న హీరోల లిస్ట్…!
మన తెలుగు సినిమాలు ఏవేవి బాలీవుడ్లో రీమేక్ అవ్వబోతున్నాయంటే?
క్రేజీ హీరోలను లాంచ్ చేసే అవకాశాన్ని మిస్ చేసుకున్న డైరెక్టర్లు?