Pawan Kalyan: కోట్ల రూపాయలు ఆఫర్ చేసినా నో చెప్పిన పవన్.. ఏం జరిగిందంటే?

పవర్ స్టార్ పవన్ కళ్యాణ్ కు  (Pawan Kalyan)  ప్రేక్షకుల్లో క్రేజ్ ఏ స్థాయిలో ఉందో ప్రత్యేకంగా చెప్పాల్సిన అవసరం లేదు. పవన్ సినిమాలకే పరిమితమైతే ఆయనకు 100 కోట్ల రూపాయల రేంజ్ లో రెమ్యునరేషన్ ఇవ్వడానికి సైతం నిర్మాతలు సిద్ధంగా ఉన్నారు. అయితే పాలిటిక్స్ లో సక్సెస్ కావాలని భావిస్తున్న పవన్ రాబోయే రోజుల్లో రాజకీయాల్లో సంచలనాలు సృష్టించాలని ప్రజలకు మంచి చేయాలని భావిస్తున్నారు. టాలీవుడ్ సినీ ప్రముఖులు పిఠాపురంలో పవన్ తరపున ప్రచారం చేస్తున్నారు.

తాజాగా ఒక సందర్భంలో పవన్ కళ్యాణ్ తనకు వచ్చిన ఆఫర్ గురించి కామెంట్లు చేయగా ఆ కామెంట్లు వైరల్ అవుతున్నాయి. గతంలో తాను ఒక కూల్ డ్రింక్ యాడ్ కోసం పని చేశానని ఆ కూల్ డ్రింక్ కు బ్రాండ్ అంబాసిడర్ గా కొనసాగితే షారుఖ్ ఖాన్ (Shah Rukh Khan)  కంటే ఎక్కువ రెమ్యునరేషన్ ఇస్తామని నాకు ఆఫర్ చేశారని పవన్ కళ్యాణ్ చెప్పుకొచ్చారు. ఆ సమయంలో దేని నుంచి డబ్బులు సంపాదించాలో దానిపై మాత్రమే దృష్టి పెట్టానని పవన్ అన్నారు.

కొన్ని విలువలు పెట్టుకుని పని చేశానని ఆయన కామెంట్లు చేశారు. పవన్ కళ్యాణ్ చేసిన ఈ కామెంట్స్ నెట్టింట హాట్ టాపిక్ అవుతున్నాయి. పవన్ కళ్యాణ్ రెమ్యూనరేషన్ కంటే విలువలకే ప్రాధాన్యత ఇస్తారని ఫ్యాన్స్ సైతం కామెంట్లు చేస్తున్నారు. మరోవైపు పవన్ కళ్యాణ్ సినిమాల కోసం ఫ్యాన్స్ ఆసక్తిగా ఎదురుచూస్తుండగా పవన్ సినిమాల రిలీజ్ డేట్ల విషయంలో ఒకింత గందరగోళం నెలకొంది.

పవన్ ఎక్కువ సినిమాలకు గ్రీన్ సిగ్నల్ ఇచ్చినా ఆ సినిమాలు చెప్పిన తేదీలకు విడుదలవుతాయో లేదో చెప్పలేని పరిస్థితి నెలకొంది. పవన్ కళ్యాణ్ క్రేజ్ అంతకంతకూ పెరుగుతున్న సంగతి తెలిసిందే. పవన్ రెమ్యూనరేషన్ పరంగా సైతం టాప్ లో ఉన్నారు. పవన్ కళ్యాణ్ ఎన్నికల తర్వాత కొత్త సినిమాలను ప్రకటిస్తారని వార్తలు వినిపిస్తున్నాయి.