Pawan Kalyan, Supriya Yarlagadda: పిక్ టాక్ : తన మొదటి సినిమా హీరోయిన్ తో పవన్ కళ్యాణ్

ఈరోజు ఆంధ్రప్రదేశ్ డిప్యూటీ సీఎం పవన్ కళ్యాణ్ ను  (Pawan Kalyan)  కలిసేందుకు టాలీవుడ్ నిర్మాతలు విజయవాడలో ఉన్న క్యాంప్ కార్యాలయంకి వెళ్లడం జరిగింది. అక్కడ పవన్ తో సమావేశమైన టాలీవుడ్ నిర్మాతలు… ‘చిత్ర పరిశ్రమ ఎదుర్కొంటున్న సమస్యలు, రాష్ట్రంలో సినిమా రంగం అభివృద్ధికి ఉన్న అవకాశాలు, రాష్ట్రంలో సినీ రంగం విస్తరణకు ఉన్న అవకాశాలు’ గురించి ముచ్చటించారు. ఈ సమావేశంలో సినిమాటోగ్రఫీ శాఖ మంత్రి శ్రీ కందుల దుర్గేష్ కూడా పాల్గొన్నారు.

ఇక టాలీవుడ్ నుండి అల్లు అరవింద్ (Allu Aravind) , అశ్వినీదత్ (C. Aswani Dutt)  , ఏ.ఎం. రత్నం (A. M. Rathnam) , ఎస్.రాధాకృష్ణ (చినబాబు) (S. Radha Krishna) ,దిల్ రాజు (Dil Raju) ,భోగవల్లి ప్రసాద్,డి.వి.వి.దానయ్య (D. V. V. Danayya) ,ఎన్.వి.ప్రసాద్ (B. V. S. N. Prasad), బన్నీ వాసు (Bunny Vasu) , నవీన్ ఎర్నేని (Naveen Yerneni) ,వై రవిశంకర్ (Y .Ravi Shankar) , నాగవంశీ (Suryadevara Naga Vamsi) , టి.జి.విశ్వప్రసాద్ (T. G. Vishwa Prasad)  వంటి నిర్మాతలతో పాటు , సుప్రియ యార్లగడ్డ  (Supriya Yarlagadda) కూడా ఈ సమావేశానికి హాజరయ్యారు. వీరంతా కూడా పవన్ తో ఫోటో దిగి తమ సోషల్ మీడియాలో పోస్ట్ చేశారు. కానీ అందరికంటే పవన్, సుప్రియ..ల ఫోటో హైలెట్ గా నిలిచింది.

ఎందుకంటే వీరిద్దరూ కలిసి గతంలో ఈవీవీ సత్యనారాయణ (E. V. V. Satyanarayana) దర్శకత్వంలో వచ్చిన ‘అక్కడ అమ్మాయి ఇక్కడ అబ్బాయి’ (Akkada Ammayi Ikkada Abbayi) అనే సినిమాలో నటించారు. వీరిద్దరికీ అది డెబ్యూ మూవీ. చాలా కాలం తర్వాత వీరిద్దరూ ఒకే ఫ్రేమ్లో కనిపించడంతో.. ఈ ఫోటో ప్రత్యేక ఆకర్షణగా నిలిచింది. ఇక ఈ ఫోటో చూసిన నెటిజన్లు.. ‘తన మొదటి సినిమా హీరోయిన్ ను కలిసిన పవన్ కళ్యాణ్’ ‘అక్కడ అమ్మాయి ఇక్కడ అబ్బాయి జంట కలయిక’ అంటూ కామెంట్లు పెడుతున్నారు.

తన మొదటి సినిమా హీరోయిన్ తో ఆంధ్రప్రదేశ్ డిప్యూటీ సీఎం పవన్ కళ్యాణ్

‘అక్కడ అమ్మాయి ఇక్కడ అబ్బాయి’ జంట #PawanKalyan #SupriyaYarlagadda #AkkadaAmmayiIkkadaAbbayi #AAIB pic.twitter.com/1sdm2bbCGj

— Phani Kumar (@phanikumar2809) June 24, 2024