Pawan Kalyan: ‘AK’ రీమేక్‌లో గొంతు సవరించనున్న పవన్‌

సినిమాల్లో పాటలు పాడటం అంటే పవన్‌ కల్యాణ్‌కు కొత్త కాదు. గతంలో చాలా సినిమాల్లో పాటలు పాడారు. ఫస్ట్‌ ఇన్నింగ్స్‌ ఆఖరి సినిమా ‘అజ్ఞాతవాసి’లోనూ పవన్‌ గొంతు సవరించుకున్నారు. ఏ మాటకామాట పవన్‌ ఎప్పుడు పాడినా కొత్తగానే ఉంటుంది. అభిమానులు ఆనందపడుతూనే ఉంటారు. ఈ ఫీల్‌ను కంటిన్యూ చేయడానికి పవన్‌ మరోసారి పాట పాడారట. ఈ విషయాన్ని తమన్‌ ఓ ఇంటర్వ్యూలో చెప్పారని తెలుస్తోంది. ‘అయ్యప్పనుమ్‌ కొషియమ్‌’ రీమేక్‌ పనులు కరోనా కారణంగా మధ్యలో ఆగిపోయాయి.

పరిస్థితులు సద్దుమణగడంతో త్వరలో చిత్రీకరణ ప్రారంభిస్తారని సమాచారం. ఈ సినిమా కోసం పవన్‌ ఓ జానపద గీతం పాడారట. ఆ సినిమా మాతృకలో ‘అడకచక్క…’ అనే ఒక పాట ఉంటుంది. సినిమాలో కీలక సందర్భాల్లో బ్యాగ్రౌండ్‌లో ఆ పాట వినిపిస్తుంది. సినిమాలో ఎలివేషన్‌ సీన్స్‌లో అంత హైలైట్‌ అయ్యాయంటే ఆ పాట కూడా ఓ కారణం. ఆ పాటను తెలుగులోనూ పెడతారనే విషయం కొత్తగా చెప్పక్కర్లేదు. దానిని మన దగ్గర జానపద గీతంగా మార్చారనేది సమాచారం.

ఆ ​పాటనే ఇప్పుడు పవన్‌ కల్యాణ్‌తో పాడించారు అని అంటున్నారు. సినిమా పవన్‌ ఓ పాట పాడారని తమన్‌ చెప్పినా… అదే పాట అనేది తెలియడం లేదు. ‘అయ్యప్పనుమ్‌ కొషియమ్‌’లో ఆ పాట మించిన డ్యూయట్లు, ఇంట్రో సాంగ్‌లు లాంటివి ఇంకేవీ లేవు. సో ఆ పాట ఈ పాటే అని తెలుస్తోంది.

Most Recommended Video

ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!