‘అజ్ఞాతవాసి’ చిత్రం తర్వాత పూర్తిగా రాజకీయాలకే తన సమయం కేటాయిస్తానని పవన్ కళ్యాణ్ ఇదివరకే చెప్పిన సంగతి తెలిసిందే. ‘జనసేన’ పార్టీ అధినేతగా తాను చేయాల్సిన పనులు చాలా ఉన్నాయని… ఓ వైపు సినిమాలు చేస్తూ మరో పక్క ప్రజల సమస్యలు తీర్చడం కష్టమని పవన్ గతంలో తెలియజేసాడు. అందుకే సినిమాలకి దూరమవుతున్నట్టు కూడా తెలిపాడు. అయితే ఇప్పుడు ఎన్నికల హడావిడి ముగిసింది కాబట్టి ఓ సినిమా చేయమని పవన్ ను అభిమానులు కోరుతున్న సంగతి తెలిసిందే. ఎన్నికలు ముగిసినా ఫలితాల కోసం ప్రజలు ఎంతో ఆసక్తితో ఎదురుచూస్తున్నారు. ఇక ఫలితాలు వచ్చినా కొత్త ప్రభుత్వం ఫామ్ అవ్వడానికి కొంత సమయం పడుతుంది.
ఈ క్రమంలో పవన్ ఓ చిత్రం చేస్తే బాగుంటుందని అభిమానులతో పాటూ సన్నిహిత వర్గం కూడా పవన్ ను కోరుతున్నారట. ఇందుకు పవన్ కూడా సానుకూలంగా స్పందించాడట. ఈ క్రమంలో ‘మైత్రి మూవీ మేకర్స్’ వారు పవన్ తో సినిమా చేయాలని గతంలో అడ్వాన్స్ కూడా ఇచ్చినట్టు ఓ సందర్భంలో తెలియజేసిన సంగతి తెలిసిందే. ఇప్పుడు ఈ దిశగానే వారు అడుగులు వేస్తున్నారట. ఇందుకోసం పవన్ కు 30 కోట్ల రెమ్యూనరేషన్ కూడా ఆఫర్ చేశారట. ‘రంగస్థలం’ సినిమా సమయం నుండీ ప్రయత్నిస్తుంటే పవన్ ఇప్పుడు అంగీకరించినట్టు తెలుస్తుంది. అయితే పవన్ నటించబోయే కొత్త చిత్రానికి 40 రోజులు మాత్రమే కాల్ షీట్లు ఇచ్చాడట. పక్కాగా స్క్రిప్ట్ రెడీ చేసి.. పవన్ తో ఉండే షెడ్యూల్ ను ఈ 40 రోజుల్లోనే తెరకెక్కించే దిశగా ‘మైత్రి మూవీ మేకర్స్’ సంస్థ ప్రయత్నిస్తున్నట్టు తెలుస్తుంది.
Home